"Office of Profit chungchang hi Supreme Court-in kum 1971 khan Shivamurthy Swami vs Agadi Sanganna Andanappa case-ah thutlukna a lo siam tawh a, private company hi Office of Profit hian a huam lo a ni âwm e. Tin, Election Commission hian ama thuin Office of Profit chungchang hi a ngaihtuah ngai lo va, India President-in India Danpui Article 102 (1-a) anga hêkna a dawn Article 103 hmanga a ngaihtuah dawnin Election Commission hi MP te chungchangah a râwn thin a; MLA te chungchang pawh Article 191 (1-a) hmanga hêkna Governor-in a dawn chu article 192 hmanga thutlukna a siam hmain Election Commission rawtna a ngaichang thin a, Election Commission rawtna ang hian India President leh State Governor te hian thutlukna an siam thin a ni.
“Hengte vang hian Office of Profit chungchanga Pu Lal Thanzara beihna hi amah beitute tan pawh bawhzui hleih theih loh a nihna lai a awm chungin Pu Lal Thanzara chuan mipui court lamah he buaina hi a rawn theh chhuak a; opposition party-te’n nge amah leh a awmna party-in hlawkna tel ber dawn tih pawh kan hre thuai ang. Awlsam taka Council of Minister leh MLA atanga Pu Lal Thanzara bâng hi Opposition party leh a bàn nana hmalatu mi thahnemngaite hian hlawhtlinnaah an ngai a nih chuan an ring sual viau maithei bawk a ni.”
Political Science professor hian "office of profit" leh "conflict of interest" hi a hriatpawlh emaw hretthiamlo niin a lang. A chhan chu Section 9A, Representation of the People Act, 1951 ah khan chiang takin inthlanaa candidate-in sorkar-a supply emaw contract a neih chuan, chu contract a neih chhung chu disqualify a ni ang tih a chuang a. Mizoram Legislative Assembly-in zawhna chhanna a buatsaih leh Social Welfare Department in RTI hmanga zawhna a chhanna lehkha en chuan Pu Lal Thanzara hian 2013 inthlan mai pawh nilo, 2008 inthlan ah daih tawh khan he dan hi a lo bawhchhe tawh a. Chuvang chuan 2008 atang khan automatic-in disqualify nghal tur zawk a ni tih kan hre thei ang.
Hemi dan chungchangah hian Supreme Court of India in "Election Commission Of India vs Bajrang Bahadur Singh And Ors on 9 April, 2015" indiankanoon.org/doc/35127537 ah khan chiang deuhvin a ngaihtuah a. Vawi hnih lai ka chhiar a, MZU professor hian chhiar ve se thil nihdan chiang takin a hre theiin ka ring.
"Office of profit" chungchang nilovin "conflict of interest" a nihna chiang takin Supreme Court hian heti hian a sawi - The purpose of Section 9A as repeatedly held by this Court is to maintain the purity of the legislature and to avoid conflict of personal interest and duty of the legislators.
Kan "intellectual" ten mipui hnenah thudik an puan duh loh emaw thudiklo an puan hian ka ngaihdan chuan "intellectually dishonest" an ni.
Ram Veitu Suak Nge Self-Publicist zawk?
ReplyDeleteNote: Fb lamah i hming ka zawn hmuh theih loh avangin i hming rawn lanna i 'blog'-ah ka ngaihdan ka rawn post a ni e.
Facebook (fb) a ram vei deuh mai leh India ram pawna cheng mek Matana Pachuau hian fb a a thu post reng reng ka hmuh theih loh tura min ‘block’ hnu-ah min ‘defame’ tumin nasa takin member ka nih lohna FB Group-ah post a siam a, chu chu thian thate zarah ka lo hmu ve zel a; a thil tih duhdan leh a tawngkam hman te hi a mawi loin ram veitu inti ten an tih loh tawp tur niin ka hria. ‘Kan ngaihdan hi a dik ber emaw kan tih lai hi kan ‘mawl chhah’ lai ber hun a ni a’, hei hi Matana Pachuau hun tawng mek niin a lang.
Office of Profit leh Conflict of Interest chungchang hi ka ngaih pawlh lova; Conflict of Interest (CoI) hi sawi tur a awm loh vanga Zoram Today a ‘comment’ ka siamah pawh telh duh lo ka ni a. CoI innghahna Section 9A of RP Act hmangin MLA atanga Pu Patea ‘disqualify’ tir tumin Election Commission of India (ECI) hnenah ropui takin ‘lehkha’ a thehlut a, ropui tak bawkin facebook lamah post a siam a ni awm e. ECI lamin MLA ‘disqualify’ chu State Governor hmalakna tur a ni tih an lo hrilh hnuah Mizoram Governor hnenah Pu Lal Thanzara laka Sec.9A of RP Act lekkawh turin a ngen leh a; mahse, tun thlengin thu mumal a dawng thei lova, thuneitu sang leh mithiam te’n Matana Pachuau ngaih pawimawh ang hi an ngai pawimawh vek lem lo tih a chiang hle; dik a tih ang hi dik an ti vek lo tih pawh a chiang viau.
Eptu Party te leh Ruling Party te’n Political Game ngaihnawm tak an khelh laia mahni ngaih pawimawh zawng ‘legal issue’ lo rawlh ve sek hi mahni intihlar tumna a nih loh chuan ‘thil awmzia hriat chian duh loh vang’ a ni ngei ang. ECI leh Mizoram Governor hnena Sec.9A of RP Act lekkawh tura lehkha thehluh kha ‘thutling’ niin ECI leh Mizoram Governor Secretariat lamin an ngai lo tih a chiang tawk viau, an bawhzui dan a nep em mai.
Political Issue hi Politics hmang veka chinfel hi thil kalhmang tur a nih laiin Sorkar thuneitu sangte pawmpui lem loha ‘Dan’ hmanga lo chinfel ve phet tum hi a kawnghmang lo deuh. Tin, Sec.9A of RP Act bik case hi Election Commission of India emaw India Law Court in an chinfel tur a nih laia mahni thahnemngaihna a social media (facebook) vela lo chinfel tuma thutlukna lo siam ve phet hi ‘Dan’ lam hria te tih duh hauh loh thil a ni e.
From: Lallianchhunga
MZU
sawi duah lovin, mahse thil pakhat chauh han tichiang ta ila:
ReplyDeleteKa block list ah hian engvanga Pu Maliana hi lo awm nge ka hre lo. In sawi atangin ka block list ka en a. Ka hre ve chiah a ni. Ka lo block reng vang zawk a ni ang facebook ah ka zawng a, ka hmu lo ka ti reng a ni. Tunah chuan ka unblock tawh a, friend request pawh kan in thawn tawh e. Kan in be pawp tawh a nih chu