OFFICE OF PROFIT VS CONFLICT OF INTEREST

ZORAM TODAY September 1-14 chhuakah khan "Office of Profit: Mithiamte'n eng nge an sawi?" tih a lang a. Chutah chuan MZU zirtirtute pahnih leh journalist pakhat kamchhuak tarlan a ni a. Political Science zirtirtu Asst.Professor C.Lallianchhunga thuhla atang hian “office of profit” leh “conflict of interest” chungchang hi I han en dawn teh ang.

1) “Pu Lal Thanzara hi bâng lo mah se, amah an puhna hi amah beitute tan pawha bawhzui hlei theih loh, Election Commission of India pawhin ngaihdan a lo siam ngheh tawhna chungchang a ni a,"

Pu Lal Thanzara MNF te’n "an puhna" hi Scroll reporter M Rajshekhar-a news report atangin a ni a. Company official document a hmuh atanga report a nih avangin a dika ngaih a ni. Sunshine Overseas-a Pu Lal Thanzara’n share a lo neih chungchang kha "bawhzui hleih theih loh" nilovin bawhzui awlsam tak zawk niin a lang. A chhan chu kha’ng document Pu Lal Thanzara hming lanna te kha hmuh theihin a awm vek a. Amaherawhchu, MNF hoten PC Act hnuaia an puhna a nihna zawnah erawh thiamloh a chan na tura police lam hmalak chu Pu Lal Thanhawla sorkarah phei chuan thil awl tak a nih a rinawm loh.

2) "Kum 2006-a Naveen Jindal-a kha Member of Parliament ni chunga hlawkna dang office pawimawh chelha puh a ni a, nihna pawimawh tam tak an tarlan zingah Vice President (Jindal Steel and Power Limited) leh Director (Jindal Power Limited) a tel a; hemi chungchangah hian Election Commission chuan heng mimal company-te hi sawrkar hnuaia awm an nih loh avangin ngaihtuah theih a ni lo, a lo ti daih tawh a."

He'ng entirna te hi Pu C.Lallianchhunga hian a rawn tarlang a, “office of profit” chungchang hrim hrim sawinaah chuan a tha viau. Indian Constitution Article 102 (1) (a) kan en chuan “office of profit” chungchanga thil chiang tak leh hrilhfiah dan azira chiang lo deuh pawh a lang a. A chiang chin han en ta ila --- central emaw state sorkar hnuaia hlawh neihna dinhmun luah chu "office of profit" a ni tih hi hrilhfiah dan awlsam ber pakhat a ni a. Chu chu he Article hian a sawi ber a ni. Jindal Steel and Power Ltd te khi India sorkar emaw state sorkar ta a nih loh avangin “office of profit” chungchang ngaihtuahnaah a tel lo hrim hrim a nih zawk chu. Election Commission hian "office of profit" hnuaiah ngaihtuah theih a ni lo a ti ngei ngei zawk tur a ni ang. Naveen Jindal-a'n MP ni chunga company hotu a nihna hi danah phalloh a ni lova. India sorkarah contract nei a nih erawh chuan Representation of the People Act, Sec 9A huam chin a ni thung. Chumi dan chuan “office of profit” chungchang ni lovin “conflict of interest” zawk a sawi a ni.

3) "Office of Profit chungchang hi Supreme Court-in kum 1971 khan Shivamurthy Swami vs Agadi Sanganna Andanappa case-ah thutlukna a lo siam tawh a, private company hi Office of Profit hian a huam lo a ni âwm e."

Hei pawh hi a chunga mi ang tho. Private company ah hian MP/MLA ten inhnamhnawihna an nei thiang a. Danin a khap hran lo. Sorkara contract/supply kallai "subsisting contract" a awm erawh chuan RP Act Sec 9A hian a phallo bur thung a ni.

4) "Tin, Election Commission hian ama thuin Office of Profit chungchang hi a ngaihtuah ngai lo va, India President-in India Danpui Article 102 (1-a) anga hêkna a dawn Article 103 hmanga a ngaihtuah dawnin Election Commission hi MP te chungchangah a râwn thin a"

Complaint a awm loh chuan President emaw Governor in anmahni thuin hma an la ngai lo tlangpui. An la ngai lo pawh ti ila, a sual lo mai thei. Election Commission pawh hian ama thuin thil a ti ngai lutuk lo niin a lang. Amaherawhchu, Pu M Lalmanzuala chungchangah khan complaint tu awma hriat a ni lova, Election Commission khan document a en a, danin a sawi angin action a la mai thung niin a lang. Governor inrawlhna a lang lo.

5) "MLA te chungchang pawh Article 191 (1-a) hmanga hêkna Governor-in a dawn chu article 192 hmanga thutlukna a siam hmain Election Commission rawtna a ngaichang thin a, Election Commission rawtna ang hian India President leh State Governor te hian thutlukna an siam thin a ni."

Governor hian Election Commission rawtna a ngaichang mai nilovin rawtna fel tak an siam tlawhchhana order a siam theihnan Election Commission hi a rawn ngei ngei zawk tur a ni a. Governor -in ama ngaihdana thutlukna siam ngawt thei a ni lo. Election Commission hian dan lam khawih pawl an nei a. Chuta mi te chuan dan leh dun an lo en vek thin a ni. Pu Lal Thanzara laka complaint pawh kha an dan lam khawih pawl hnena pek a ni.

6) “Hengte vang hian Office of Profit chungchanga Pu Lal Thanzara beihna hi amah beitute tan pawh bawhzui hleih theih loh a nihna lai a awm chungin Pu Lal Thanzara chuan mipui court lamah he buaina hi a rawn theh chhuak a."

MNF lamin an beihna chauh nilo hi Pu Lal Thanzara hian a hmachhawn tih a inhria a. High protein biscuit supply chungchangah RP Act  Sec 9A chiang takin a kalh tih Assembly document leh RTI document atangin a lang. Chumi avang chuan disqualify theih (subject to disqualification) a ni a. Inhnukdawk zawk tura hrilh pawh a ni. Sawi fo tawh angin Sec 9A hi “office of profit” sawina nilovin “conflict of interest” chungchang zawk a ni a. “Office of profit” ang zawnga Congress party in a sawi zel hi a issue tak tak zawk “conflict of interest” Sec 9A in sawi ber sawi bo tumna niin a lang. “Office of profit” anga puh a nih chuan Pu Lal Thanzara hian thiamlohna a nei kher lovang. A chhan chu Sunshine Overseas hi sorkar company a ni lova. Share a lo neih erawh kha chu chhui chian ngai thil a ni thung. PC Act hnuaiah ni lo RP Act hnuaiah bawk puhna tur a awm chiang zawk ang. PC Act hnuaiah pawh thiamloh chang thei (potentially guilty) a nihna lai tur a lian hle, mahni leh mahni hna inpe a nihna lai a awm tlat a. Tin, HP Food Products pawh sorkar ta a nih loh avangin “office of profit” lam a kawk lova, Sec 9A bawkin a sawi “conflict of interest” chungchang zawk a ni.

7) "Opposition party-te’n nge amah leh a awmna party-in hlawkna tel ber dawn tih pawh kan hre thuai ang. Awlsam taka Council of Minister leh MLA atanga Pu Lal Thanzara bâng hi Opposition party leh a bàn nana hmalatu mi thahnemngaite hian hlawhtlinnaah an ngai a nih chuan an ring sual viau maithei bawk a ni.”

Eptu lam hian a issue hi an man tawk lo niin a lang, document chiang tak a awm chung pawh hian. An tana hlawkna tur political advantage an la thiam lem lo. Dan ang thlapin ACB ah nilo CBI ah te emaw court ah te kalpui nghal vat se chuan Pu Lal Thanzara tan hian a hlauhawm thei khawp ang. ACB SP hi Pu Lal Thanhawla te nena inhre tha tura ngaih a ni a. Pathianni tuka an inkhawm tlan chuan Sunday School kai ho tura ngaih an ni. Mizoramah hian mahni Sunday School kaipui te man tir tura hmalakna chak tak hi a awm a rinawm loh.

Pu C.Lallianchhunga’n “office of profit” chungchang Pu Lal Thanzara kaihhnawiha a sawi hi “office of profit” hrim hrimah chuan a fiah angreng a. Amaherawhchu, Zoram Today in Aizawl North III bialtu banna chungchanga an zawhna a nihnaah University-a political science asst professor in he issue-a thil awmzia dik kim a sawilo hi a vanduaithlak angreng. Tin, Sec 9A chungchanga Supreme Court judgement leh Social Welfare Department lehkhaa Pu Lal Thanzara biscuit supply chungchang te hi uluk deuhvin chhiar se a sawi dan zawng a dang daihin a rinawm.

INTELLECTUALLY DISHONEST

ZORAM TODAY chanchinbuah Mizoram University Political Science department Asst Professor C. Lallianchhunga'n Health Minister bang ta chungchang leh a kaihhnawih a sawi heti hian tarlan a ni a -

“Pu Lal Thanzara hi bâng lo mah se, amah an puhna hi amah beitute tan pawha bawhzui hlei theih loh, Election Commission of India pawhin ngaihdan a lo siam ngheh tawhna chungchang a ni a, chumi awmzia chu risk sang tak lain Pu Lal Thanzara hian mipui court hmachhawn a thlang zawk tihna a ni. Kum 2006-a Naveen Jindal-a kha Member of Parliament ni chunga hlawkna dang office pawimawh chelha puh a ni a, nihna pawimawh tam tak an tarlan zingah Vice President (Jindal Steel and Power Limited) leh Director (Jindal Power Limited) a tel a; hemi chungchangah hian Election Commission chuan hengmimal company-te hi sawrkar hnuaia awm an nih loh avangin ngaihtuah theih a ni lo, a lo ti daih tawh a.

"Office of Profit chungchang hi Supreme Court-in kum 1971 khan Shivamurthy Swami vs Agadi Sanganna Andanappa case-ah thutlukna a lo siam tawh a, private company hi Office of Profit hian a huam lo a ni âwm e. Tin, Election Commission hian ama thuin Office of Profit chungchang hi a ngaihtuah ngai lo va, India President-in India Danpui Article 102 (1-a) anga hêkna a dawn Article 103 hmanga a ngaihtuah dawnin Election Commission hi MP te chungchangah a râwn thin a; MLA te chungchang pawh Article 191 (1-a) hmanga hêkna Governor-in a dawn chu article 192 hmanga thutlukna a siam hmain Election Commission rawtna a ngaichang thin a, Election Commission rawtna ang hian India President leh State Governor te hian thutlukna an siam thin a ni.

“Hengte vang hian Office of Profit chungchanga Pu Lal Thanzara beihna hi amah beitute tan pawh bawhzui hleih theih loh a nihna lai a awm chungin Pu Lal Thanzara chuan mipui court lamah he buaina hi a rawn theh chhuak a; opposition party-te’n nge amah leh a awmna party-in hlawkna tel ber dawn tih pawh kan hre thuai ang. Awlsam taka Council of Minister leh MLA atanga Pu Lal Thanzara bâng hi Opposition party leh a bàn nana hmalatu mi thahnemngaite hian hlawhtlinnaah an ngai a nih chuan an ring sual viau maithei bawk a ni.”

Political Science professor hian "office of profit" leh "conflict of interest" hi a hriatpawlh emaw hretthiamlo niin a lang. A chhan chu Section 9A, Representation of the People Act, 1951 ah khan chiang takin inthlanaa candidate-in sorkar-a supply emaw contract a neih chuan, chu contract a neih chhung chu disqualify a ni ang tih a chuang a. Mizoram Legislative Assembly-in zawhna chhanna a buatsaih leh Social Welfare Department in RTI hmanga zawhna a chhanna lehkha en chuan Pu Lal Thanzara hian 2013 inthlan mai pawh nilo, 2008 inthlan ah daih tawh khan he dan hi a lo bawhchhe tawh a. Chuvang chuan 2008 atang khan automatic-in disqualify nghal tur zawk a ni tih kan hre thei ang.

Hemi dan chungchangah hian Supreme Court of India in "Election Commission Of India vs Bajrang Bahadur Singh And Ors on 9 April, 2015"  indiankanoon.org/doc/35127537 ah khan chiang deuhvin a ngaihtuah a. Vawi hnih lai ka chhiar a, MZU professor hian chhiar ve se thil nihdan chiang takin a hre theiin ka ring.

"Office of profit" chungchang nilovin "conflict of interest" a nihna chiang takin Supreme Court hian heti hian a sawi - The purpose of Section 9A as repeatedly held by this Court is to maintain the purity of the legislature and to avoid conflict of personal interest and duty of the legislators.

Kan "intellectual" ten mipui hnenah thudik an puan duh loh emaw thudiklo an puan hian ka ngaihdan chuan "intellectually dishonest" an ni. 

WHICH SIDE DO YOU THINK ERRS?

Last week, the Pastoral Committee of the Baptist Church of Mizoram held a meeting to follow up on the progress of the execution of the 2008 Assembly resolution 1.21.

The Assembly resolution passed seven years ago mandated pastors and ministers' wives to cease all full-time work by 2015. The rationale behind this resolution was for ministers and pastors to always be accompanied by their wives in their pastorates. In Mizoram, contrary to the principle of local church autonomy where local church pastors are employed by the local church, a centralised church administration appoints pastors throughout their ministry.
Due to severe complications that arose out of the Assembly resolution, the relationship between the Baptist church leaders and the affected pastors (often described as "victims") went from bad to worse.

Last November, the Pastoral Committee decided that those pastors and ministers whose wives did not resign from their full time jobs in obedience to the Assembly resolution would be deemed defiant and proposed to invoke the harshest one of the clauses of the church rules for disciplinary action - termination from service. An ultimatum was given and the concerned pastors were to submit their decision by August 31.

There was much angst in the months that followed the Nov 2014 Pastoral Committee meeting. However, majority of the affected pastors decided to stand up against what they believed was an unjust and ruthless church governance. Besides, much of their family life had already been aligned with their wives' ability to earn for their families. They stood their ground and hoped the Committee would come to understand that certain areas of their lives may not come under the authority and directives of the church, however well-intentioned it may be. They also believed that they have not been disloyal nor disobedient to the will of the church they have served for many years.

While the Committee expected them to submit letters of acquiescence, most of them stated their inability to do so. The Committee considered the letters on September 9 and after much discussion it stuck to its argument that the "excuses" of the pastors display an unwillingness to obey the 2008 Assembly resolution. A new deadline was given. 17 pastors/ministers will be expected by the Pastoral Committee to hand in their decision on whether or not they are going to be able to fulfil the Assembly resolution. They are instructed to submit their "real decision" to the General Secretary by October. According to the Committee, their decision could invite the disciplinary action clauses of the church rules. However, in a surprising change of tone, the termination of service was not mentioned this time.

The question of whether or not a committee under the Assembly, i.e., in this case the Pastoral Committee, has the power and authority to issue orders and rulings contrary to an Assembly resolution is a settled matter clearly written in the Constitution. Under the "Powers and Functions" of the Assembly which is the "highest council of the Baptist Church of Mizoram", "any decision taken by the Assembly may not be altered by any other committee." The words of the Mizo version is even more definitive. Committees under the Assembly simply donot have the authority to alter the decision of the Assembly. Only the Assembly can. This is to safeguard the legislative authority of the Assembly.

When the Pastoral Committee altered the Assembly decision or resolution 1.21 and gave ultimatum to the pastors, it acted in defiance of the Constitution.

The prohibition of pastors' and ministers' wives to work full time by the Assembly in 2008 also violates Chapter 3 of the BCM Constitution where the defense of human rights is codified as one of the objectives of the BCM. And the Indian Constitution Article 19 guarantees India citizens "to practise any profession, or to carry on any occupation, trade or business." The Assembly in 2008 erred on four known counts. It violated the BCM Constitution, The Baptist World Alliance Constitution, the Indian Constitution and the Universal Declaration of Human Rights.

The determined attempt to implement the unconstitutional 2008 Assembly resolution 1.21 only reveals the consequent violation of the BCM's own Constitution and the gross disregard for the only document, besides the Bible, from which all enumerated powers are given and exercised. Any exercise of power beyond that is either an innocently-misused authority or an abuse of authority.

The BCM Constitution states that the President shall preside over meetings of the Committees under the Assembly and "shall work according to the Church Constitution and Rules." The General Secretary who is the "chief administrator and chief executive functionary of the Church" is given the authority by the Constitution to "exercise the rules and regulations of the BCM."

The Baptist Church of Mizoram, under its Constitution, authorises the two very important offices of the Church to perform certain functions of the Church to further the cause of Christ's Kingdom on earth. When the clearly defined rules are not followed, misconstrued or abused the office holders are in contempt of the very law that authorises them to hold the office and they have become masters and not servants of the people that make up the church. 

There is provision for ministers and pastors to be reprimanded, disciplined and even sacked. However, there seems to be none in the Constitution for the officers of the church when they act in defiance of the trust given to them by the people through the Constitution.

The President presides Committee meetings and the General Secretary acts as the secretary of those committees. They are required by the Constitution in God's Name to exercise their authority within the confines of the Constitution.

Seventeen pastors are considered to be disobedient to the Assembly's resolution by the Pastoral Committee, a committee headed by the President and General Secretary, because they believe the Assembly passed an unconstitutional and unworkable resolution. The President and General Secretary, in direct contradiction to the powers and authority given to them by the church, has allowed, under their leadership, a profoundly unconstitutional agenda to destroy the working relationship of the church.

Which side, in your objective judgement, do you think errs? The pastors standing up against unconstitutional resolutions or leaders that exercise power contrary to their Constitutional obligation and mandate?

HUMAN RIGHTS LEH MIZORAM BAPTIST KOHHRAN

Khawvel pum huapa Baptist kohhran intelkhawm Baptist World Alliance (BWA) General Council Meeting July 6-12, 2014-a neihah khan Mizoram Baptist Kohhran aiawhin General Secretary Rev. H. Lianngaia a kal a. Chuta thurel lansar zual zinga mi BCM website-a tarlan te chu he'ng te hi an ni:

“1. Myanmar (Burma) intihduhdahna a lo tawp a, sakhaw zalenna a lo awm theih nana hma lak (Violence and Religious Liberty in Myanmar)

2. Khawvel hmun tina eirukna a lo reh theih nana hma lak(Resolution on Corruption).

3. Ukraine rama Russia duh leh duh lo kara buaina a lo reh theih nana hma lak.

4. America rama refugee tlan khawmte America sorkarin tha taka a lo enkawl theih nana palai hna thawh.

5. Turkey rama Kohhran hruaitute leh ringtu mimirte ringtu tha leh nghet, thih thlenga rinawm ni zel tura fuih thar lehna leh chak taka hma an lak theih nana hma lakpui”.

Engvangin nge Baptist kohhran ten PRISM buaipui corruption te, Pi Aung San Suu Kyi-i buaipui Burma rama mipui zalenna te, khawvel sawrkar lian buaipui Ukraine ram buaina te, UNHCR buaipui refugee te hi buaipui berah a neih kan tih chuan a chhanna chu hei hi a ni - He khawvela "Pathian ram a lo zauva, a lo ngheh a, a lo lan fiah deuh deuh theih nan" leh “Lal Isua, Remna Lal hi hmun tina Lal leh Chhandamtu a nihna puan chhuah a nih theih nan”  Krista taksa kohhranin, Lal Isua'n a takin a rinna a nunpui ang khan, a taka chet a tula kan hriat vang a ni.

Adama leh Evi sualnain a nghawng chu Pathian remruatna fel tak mai a tichhia kha a ni a. A tira Pathianin tha a tih em em kha a lo chhe zo ta vek a, engkim siamthar lehna phei chu Lal Isuan Lalram a rawn din thar leh hunah kan hmu dawn chauh a ni.

Sual hnathawh zinga pawi ber chu Pathian leh mihring inzawmna tihchaha a awm kha a ni a. Remruattu fel Pathianin thing anchhedawng kraws-a mihring leh Pathian inzawm leh theihna tur min buatsaihsak lo phei se chuan hringfate hian beisei tur kan nei lovang.

Sual hnathawh nghawng thalo em em dang leh chu Pathianin a duh taka amah anga a siam mihringten Ama hnen atanga kan dawn, Pathian anna nasa taka kan hloh leh kan in bawhchhiatsak tawnna hi a ni. Mihring hi zalen taka Pathian chibai buk leh amah pawl tura siam kan ni a. Chu zalenna chu Pathian hnen atanga kan neih a ni. Amah chibai buk duhloh zalenna pawh tiamin. Zalen taka Pathian chibai buk theihna tur daltu lian tak ni thin chu rorelna hi a ni a. Kohhran rorelna phei chu, history enin, mihring leh Pathian inkara tlazep lian ber a ni fo.

England rama Pathian chibai buktu thenkhata chuan an ram rorelna hnuaiah zalen takin Pathian chibai buk theiin an in hre lova. An pi leh pute atanga an ram chu chhuahsanin tuifinriat ral lehlamah awmhmun an zu khuar a. Vawiin thlengin, chu zalen taka Pathian chibai buk theihna khawvel siam duhna chu, America ram ropui tidanglam em em tu a ni. Zalen taka miin Pathian chibai a buk duhlohna pawh zau taka phal a ni bawk.

Kentucky state-a Rowan County clerk Kim Davis-i'n neih inang te "inneih certificate" ama hming ziaka a pek chhuah duhlohna chhan kha a rinna kalha a hriat vang a ni a. Supreme Court in a theih ti mah se, Supreme Court aia sang zawk lei leh van Pathianin a remruat ang nilo lo pawmpui kha Kristiante rinna nen inkalh tlata a hriat avangin Supreme Court judgement ang a zawm lova, US District Judge David Bunnings-a chuan a tantir ta hial a nih kha.

Immanuel Baptist Church, Pine Bluff, Arkansas leh Beech Street First Baptist Church, Gurdon, Texarkana pastor lo ni tawh thin, Arkansas Baptist State Convention President pawh lo ni tawh, Arkansas state Governor hlui, US President nih tum Mike Huckabee-a chuan a facebook status ah Sep 9 khan heti hian a ziak a:

“Today, I was proud to stand with Kim Davis as she was released from jail. Kim Davis should have never been locked-up for being a Christian and for following her conscience and the law...I refuse to sit silently as our Constitution is torched and the courts violate our fundamental rights...This shredding of the most fundamental civil rights of our citizens cannot stand. As president, I will fight for, and protect, the religious liberty of every American.”

Mimal leh Pathian inkar hi a thuk em avang leh sorkar inrawlh theihna tur nia an hriat loh avangin America ram din tirh khan an ram hruaituten an Danpuiah sakhaw zalenna ziakin an Danpui siambelh hmasak berah an lo humhalh tlat a. Hemi vang hian America rama Kristiante khuan sorkar in rinna chungchangah leh sakhuana thila a “kuang lo a nawr” nia an hriat chuan nghet takin an ding thin a ni.

US Declaration of Independence ziaktu Thomas Jefferson-a pawh khan kha document pawimawh tak a ziah khan mihring dikna chanvo te hi Siamtu Pathian hnen atanga kan dawn a ni tih chiang takin heti hian a ziak a: “We hold these truths to be self-evident, that all men are created equal, that they are endowed by their Creator with certain unalienable Rights”

Judge Andrew Napolitano-a chuan mihring zalenna leh dikna chanvo te hi Pathian anpuia siam mihring ten phuara awm lo Pathian hnen atanga kan dawn a nih avangin chu’ng dikna (rights) te chu dan hmang lo chuan inrahbehsak emaw inbawhchhiat sak theih a ni lo tiin a lo sawi bawk a ni.

India ramah pawh Dr.Ambedkar-a kaihhruainaah he sakhaw zalenna hi fundamental right a ni tih Danpui duangtu te khan an pawm thlap a. Danpui Bung 15-na leh 25-naah chiang taka dah a ni. Fundamental right dang pakhat leh chu Bung 19-naah heti hian kan hmu a:

“(1) All citizens shall have the right (a) to freedom of speech and expression; (b) to assemble peaceably and without arms;...(g) to practise any profession, or to carry on any occupation, trade or business”

Heng human right, fundamental right ni bawk, te hi a tlangpuiin ram khatah chauh nilovin khawvel pumpuia pawm a ni. Universal Declaration of Human Rights hi khawvel pumpuia sorkar leh thuneitu pawl reng rengin an tlawhchhan a ni fo. Baptist World Alliance, Mizoram Baptist Kohhran pawh a telna, pawh hian a ngaipawimawh hle. A chhan chu Pathianin human rights hi a ngaihpawimawh vang a ni.

July 2014-a BCM General Secretary Rev H Lianngaia’n Mizoram Baptist Kohhran aiawha khawvel Baptist intelkhawm rorelna sanga BWA Constitution a zu pawmpui ah khan BWA objective pakhat heti hian a inziak a - “To act as an agency of reconciliation seeking peace for all persons, and uphold the claims of fundamental human rights, including full religious liberty.”

BCM Constitution Bung 3 naah, “mihring dikna (Fundamental Rights) humhalh leh

sakhaw zalênna vawnhim tlat te, mihring nun pumpui changkânna tûra thawh te, Pathian

thilsiam humhalh te, mipui rilru leh ngaihtuahna tichangkâng tûra zirtîr te, inthliar bîkna awm lo leh hlâwkna ngawt ûm lova khawtlâng thatna leh hmasâwnna tûra thawh” tiin Mizoram Baptist Kohhran chuan chiang takin a thiltum (Objective) a lo ziak a. He Constitution hi Mizoram Baptist Kohhran chuan Pathian rawng a bawlnaah leh ro a relna innghahnan a hmang mek a ni.

Zoramin a hriat angin Mizoram Baptist Kohhran chhungah 2008-a rorelna sang berin a lo rel vangin harsatna lian tak, kohhran buaina lian tak siam thei leh siam mek a awm a. He buaina hi rinna leh rawngbawlna emaw doctrine lam thila harsatna nilovin rorelna kal fuh lo thil liau liau a ni.

Kohhran rawngbawlna a lo chak zawk nana Baptist pastor ten bial an enkawlnaa an nupuite an hruai ngei theih hi, kohhran dang pawhin tha an tih dan a ni vek ang tih chu kan pawm tlang awm e. A tihhlawhtlinna tura rel tel an nupui te sorkar hna leh hna dang full time-a “thawh phal an ni lovang” tih kha a tirah agenda duangtute leh a pu lut tute leh a pawmtu ten an ngaihtuah kim lova. BCM Constitution, BWA Constitution, Universal Declaration of Human Rights leh Indian Constitution kalh a lo ni reng a. Tin, chu’ng zawng zawng ai pawha a kalh chian zawk chu Pathianin mihring dikna chanvo a pek hi a ni.

Pi Vanramchhuangi’n a rawn sawichhuah khan BCM hotute leh kohhran hruaitute zingah ngai hua tam tak an awm a. Thenkhat phei chuan Pathian rawngbawlnaah mihringin dikna kan sawi thiang lo tiin Krista pasal tha ni tura kan inpeknaah Pathianin kan dikna min humhalh sak tlat a ni tih an hmuthiam lova. Nasa taka mihring dikna bawhchhiatnaah hian Kohhran hi a thiamlo lian ber pawl a ni hial awm e, history kan en chuan.

Pu Buanga leh Sap Upa kohhran din, khawvel huapa Chanchin Tha rawngbawl hna thawk tura Pathianin a thlante zingah pawh tel, kawng hrang hranga Mizo hnam kaihruai tura mi rintlak hrualchhuaktu kohhran Mizoram Baptist Kohhran hi Pathianin a siam mihring te hnena a pek human right pawisa lo leh inkaihhruaina dan pawh bawhchhiat pawi ti lo leadership in a kaihhruai kan phal tur a ni lo. Hemi kawng zawh tur hian Mizoram Baptist Kohhran hi din a ni lova, Pathianin min kohna pawh a ni lo a ni.

BCM Puipate leh 2008 Assembly Thurel 1.21 bawhzuinaa mawhphurhna chang zawng zawng ten Pathian leh kohhrante hmaah mawhphurhna lian tak an nei. Chu chu rorelna dika rorel a ni. Pathian duhloh zawnga kohhran kaihruaitu te hian Pathian ropuina an thlen lova, Setana duhzawng – inpumkhatlohna – an thlen zawk a ni.

Zoramah Pathian kohhran tiphel phawk khawpa harsatna kan tawk fo tawh a. Pathian pawisalo inkaihhruaina (ungodly leadership) hian Pathian kohhranah hmun a chang tur a ni lo.

JUSTICE

Yesterday, I spoke with Rodney Ralte, Secretary to the Governor of Mizoram, to follow up on the email complaint I sent to the Governor on August 25.

The Secretary told me that the issue at hand is of serious concern to the Governor and that he was planning to meet with the Advocate-General. If there is no change of plan, the Governor will hold discussions with the Advocate-General today. After careful consideration of the law, the Governor will make a decision on whether Sections 10A and 9A of the Representation of the People Act, 1951 apply to the Chief Minister and the former Health Minister respectively.  According to the Constitution, the Governor's decision is "final" when it comes to the question of disqualification for membership of the Legislature.

Governor Nirbhay Sharma will deliberate with Advocate-General Biswajit Deb on the issue of whether Chief Minister Lal Thanhawla and his brother Lal Thanzara should be disqualified under the RP Act or not.

Although Article 165 (2) of the Indian Constitution does not specifically state that the Advocate-General's duty is to give advice to the Governor of the State, the military hero and thinker is understood to hold the opinion that a comprehensive consultation with the "Supreme law officer of the State" i.e. the Advocate-General, is beneficial in the discharge of his Constitutional duty.

I also spoke with Anuj Jaipuriar, Secretary, Election Commission of India shortly after I spoke with the Governor's Secretary and confirmed with him that the Election Commission of India has also received the email. According to him, the Governor is the appropriate authority to receive the complaint and the Election Commission of India will act on the behest of the Governor.

According to advocate C.Lalrinchhunga, Asst Secretary, Mizoram Bar Association, if Lal Thanzara is given the Sec 9A penalty, then Article 191 (1) (e) of the Constitution kicks in.

"A person shall be disqualified for being chosen as, and for being, a member of the Legislative Assembly or Legislative Council of a State...if he is so disqualified by or under any law made by Parliament"

One understanding of this Article of the Constitution is that if the Governor disqualifies the former Health Minister and MLA for Aizawl North 3 constituency based on his asset declaration on 7th Nov 2013 and the Assembly papers revealing his factory's involvement in the supply of biscuits to the government which is a breach of Sec 9A of the RP Act, then Article 191 permanently disqualifies him from contesting elections.

However, another understanding of the law is that Sec 9A ceases to apply to the former MLA the moment he voluntarily resigned. It now appears that the night before Lal Thanzara tendered his resignation, he along with his brother and other close confidants, decided to take the option of him resigning not only from his ministerial post but also from the Legislature so as to avoid the penalty like the one meted out to Bahujan Samaj Party MLA Uma Shankar Singh and Bharatiya Janata Party MLA Bajrang Bahadur Singh who were disqualified by Uttar Pradesh Governor Ram Naik in January this year.

As for the Chief Minister, his public admission of an expenditure during the last election which does not seem to be recorded in his election expenditure declaration might very well put him under the strict scrutiny of Sec 10A of the RP Act which carries a penalty of disqualification for 3 years. Aam Aadmi Party candidate for the Mizoram Lok Sabha seat M.Lalmanzuala was disqualified under this law not because of corrupt practices but due to his failure "to lodge accounts of election expenses." The disqualification order was issued on 8th September 2014 by Anuj Jaipuriar, Secretary ECI. According to M.Lalmanzuala, whose reputation as one of the leading voices against corruption has inspired a generation, his newly joined party - Aam Aadmi Party - was understaffed to comply with the strenuous requirement of election account keeping.

The Governor is sworn to “preserve, protect and defend the Constitution and the law” and
has made a pledge to “devote [himself] to the service and well-being of the people of Mizoram.” The Advocate-General also has a Constitutional duty to "give advice to the Government of the State upon such legal matters, and to perform such other duties of a legal character, as may from time to time be referred or assigned to him by the Governor, and to discharge the functions conferred on him by or under this Constitution or any other law for the time being in force."

According to www.elections.in, "The Election Commission of India (ECI) is a constitutional body responsible for administering elections in India according to the rules and regulations mentioned in the Constitution of India."

The highest Constitutional office holder in the State - the Governor - will consult the chief law enforcement officer of the State - the Advocate-General. Based on their fidelity to the Constitution that they are morally and legally obliged to uphold, they will decide whether the law applies to the State's longest serving premier and his apparent successor - his younger brother. And the nation's independent Constitutional body responsible for managing according to law the biggest show on earth - the Indian elections - will work with the Constitutionally-literate Governor of Mizoram.

If these two Constitutional offices --- the office of the Governor and the Advocate-General --- and the Constitutional body --- The Election Commission of India --- fail to correctly interpret and apply the law, they will have failed the people of Mizoram and the law the swore to uphold. If they, on the other hand, put the law above all else there will be joy in the hearts of all justice-loving citizens and non-citizens alike.

If things donot go accordingly, Supreme Court lawyer Prashant Bushan's suggestion - “Someone will have to move the courts seeking an investigation into all this" - may very well have to be taken up by the daring and those that hunger for justice.

May the Governor’s pledge to “devote [himself] to the service and well-being of the people of Mizoram” be evident at a time such as this.

LALTHANZARA BANNA LEH A KAIHHNAWIH - C.Lalrinchhunga

Kan Ex Minister (MLA) zahawm tak Pu Lalthanzara @Patea’n Sunshine Overseas Private Ltd-a share a neih thu leh Social Welfare Deptt-a High Protein Biscuit supply-tu, HP Modern Roller Flour Mills and HP Food Products a ta a lo nih reng thute, chumi kaihhnawihah chuan Section 9A, Representation of The People Act, 1951 bawhchhiatna awm nia ngai a Pu Laltanpuia Pachuau @Matana-in Election Commission-a complaint a thehluh chungchang hian tunlai Mizoram Politiks khawvel chu a chiahhneh hle awm e. Hemi chungchangah hi ka han tui hnih ve hlek teh ang.

Sunshine Overseas Company-ah hian Pu Patea hian share a nei ngei niin scroll.in chuan a tarlang a. He company hian Mizoram sawrkar PWD hnuaiah contract an nei nual a ni tih pawh kan hre theuh awm e. Scroll.in vekin a tarlan dan chuan, heng a share zawng zawng hi Pu Patea hian general election hma khan midang kutah a transfer nia tarlan a ni. Chutih laiin local media thenkhatten an tarlan dan chuan Pu Patea hian share a neih pawh hi a hre lo hrim hrim a, hetianga a tlangthan hnuah hian a hre ve chauh ni awmin tarlan a ni bawk. Sunshine Overseas hian Pu Patean share a neih hnuah chuan nasa takin an hlawkna a pung a. Kum khat (2011-2012) chhungin Rs 6.83 crore atangin Rs 24.16 crore ah a chho ta dawr mai niin tarlan a ni bawk. HP Modern Roller Flour Mills and HP Food Products Ltd chungchanga Pu Matana’n Election Commission-a complaint a thehluh dan chuan Pu Patea ta niin tarlan a ni a. He company hian MLA election hnuah pawh High Protein Biscuit supply turin Mizoram sawrkar (Social Welfare Deptt) nen contract an nei tih Assambly Session-a zawhna leh chhanna atangin hriat theih niin a sawi bawk a ni. Scroll.in hian he thu an tlangzarh hma hian kan CM leh Pu Patea hi insawifiahna hun an siamsaka, mahse engmah an sawi duhlo niin tarlan a ni bawk.

 

Zonet (Chanchin thar dt 19-8-2015) in a puan dan chuan Chief Minister Pu Lalthanhawla hian HP Modern Roller Flour Mills and HP Food Products Ltd hi Pu Patea ta ngei niin a sawi a, mahse hetiang High Protein Biscuit siamchhuaktu dang hi Mizoramah an awm loh avangin Social Welfare Deptt hian supply contract a pe niin a sawi a ni. Hei erawh hi chu Indian Constitution Article 191 hnuaiah hian action lak theihna a awm a ni tih chu a nemnghet ve thung a ni.

Hetiang hian Article 191-ah kan hmu; (1) A person shall be disqualified for being chosen as, and for being, a member of the Legislative Assembly or Legislative Council of a State...(e) if he is so disqualified by or under any law made by Parliament.

 

Constitution Article 191(1)(e)-ina a sawi hi Section 9A Representation of the People Act, 1951 kha a ni.

 

Heng kan MLA/Minister zahawm tak hekna-te hi thu dik a nih chuan a nghawng thui thei khawp dawn a. Article 191(1)(e) angin election a contest theih tawh dawn lova, Affidavit a false declaration a siam avangin criminal case awm thei a ni a, chumi piah lamah chuan Article 193 hnuaiah Assembly session-a a lo thut ve tawhna leh MLA a nihna anga committee pawimawh-a a lo telna zawng zawngah khan ni khat zelah Rs 500/- a chawi bawk ang.

Scroll.in atanga kan hmuh dan/ngaihruat theih dan chuan Mizoram kawngpui lo chhiat chhan zawng zawng pawh hi Pu Patea leh kan CM te niah a ngaih theih ta vek a. Sunshine Overseas Ltd hian diklo tak leh uchuak takin PWD changtu Chief Minister atangin duh sakna an dawng a, an contract thawhnan hian hmarua pawh nei lovin PWD ta an hmang a, Pu Patean share (Sunshine Overseas Ltd) a neih ve miau avangin ngampa tak leh inthlahdah takin hna an thawk a, chu chuan kawngpui tha min neihtir ta lo a ni.       

 

He inpuhna (i ti mai teh ang) avang hian Pu Patea chuan Minister a nihna atangin banna (resignation) CM hnenah a thehlut a. A banna chu pawmpui a ni a. MLA a nihna pawh Assembly Speaker awm lo mah se, Deputy Speaker Pu R Lalrinawma’n dt 20/8/15 khan a pawmpui ve ta a ni. Pu Patea hian a banna lehkha a a tarlan dan chuan Office of Profit ah inhnamhnawiha mi thenkhatten an puh vang niin a sawi a. Office of Profit (Constitution Article 191) leh subsisting contract (Section 9A Representation of Peoples Act, 1951) hi a ngaihpawlh ni ngei tur a ni.

Representation of The People Act, 1951 Section 9A ah hetiang hian kan hmu; . Disqualification for Government contracts, etc. A person shall be disqualified if, and for so long as, there subsists a contract entered into by him in the course of his trade or business with the appropriate Government for the supply of goods to, or for the execution of any works undertaken by, that Government.

Explanation. For the purposes of this section, where a contract has been fully performed by the person by whom it has been entered into with the appropriate Government, the contract shall be deemed not to subsist by reason only of the fact that the Government has not performed its part of the contract either wholly or in part.

A awmzia chu tupawh sawrkar nena contract kallai nei an nih chuan MLA/MP an ni thei lo tihna a ni a. Mahse hei hian hnathawh zawh vek tawh, sawrkar-in bill a pek mai lohte erawh chu a huam lo a ni. Section 9A leh Office of Profit hi thil hrang daih a ni tih pawh hi tun hnaiah chanchin bu hrang hrangah Lalnunmawia Pachuau in a ziah kha kan chhiar awm e.
 

Sunshine Overseas Ltd bikah chuan Pu Patea hian a share kha election hma khan lo transfer vek ta sela, he dan hian a phuar thei lova. Lo transfer lo teh reng pawh nise, subsisting contract chungchangah kha chuan ngaihtuah tur tam tak a la awm thei tho a ni. Mahse HP Modern Roller Flour Mills and HP Food Products Ltd chungchangah chuan Pu Matana’n Election Commission-a representation a siam ang chuan MLA/Minister a nih hnuah pawh Social Welfare deptt atangin High Protein Biscuit supply tur khan contract pek thar niin a lang a ni. Hei bakah hian CM zahawm takin a sawi anga Zonet chanchin thara tarlan a nih angin HP Modern Roller Flour Mills and HP Food Products Ltd hi Pu Patea ta ngei a ni a. Pu Patea MLA a nih hnuah pawh contract an nei a ni tih chu a chiang a ni. Chutiang a nih chuan Section 9A Representation of the People Act, 1951 leh Constitution Article 191 hnuaiah disqualify ngei tur a ni a. Constitution Article 193 hnuaia hremnate hi a chungah lek tur a ni ang. Mahse thutawp siamtu tur erawh chu Governor a ni a, Election Commission ngaihdan erawh a lak hmasak a ngai thung a ni. Banna (resignation) leh disqualification hi ngaihpawlh loh tur a ni a. Banna hi Speaker thutlukna a nih laiin disqualification erawh chu Governor thuneihna a ni thung.

Ka lo ngaihdanah chuan kan MLA zahawm tak banna thehluh hi pawm mai tur niin a lang lo. Hetianga puhna awm ni a langte hi chhui chian zawk chi a ni. Sawrkar leh media lamin an tarlan dan chuan Speaker hian MLA banna hi Section/Article 194 "The Rules of Procedure and Conduct of Business in Mizoram Legislative Assembly" hnuaiah a pawm a ni.
 

Pu Matana’n Pu Patea MLA/Minister a puhna hi a na mai lo khawp mai. A chunga kan sawi tak ang khian hremna lek theih a ni. Chutih laiin Pu Patea hian an puhna hi a pawm nge (?) banna a theh luh tak mai! A pawm lova, thubelhchian dawllo a nih chuan banna thehlut mai lovin chhuichian tir emaw House ah Privilege Motion, Scroll.in leh Pu Matana lakah hian put luhna hial chi zawk a ni. Chutih rualin court lamah pawh Pu Patea pawh hian an puhnate hi dawt ti a thiam lohna nei lova a insawi a nih rau rau chuan khua leh tui ten thudik chiang lehzuala hriat kan duh avang tal pawhin Scroll.in leh Pu Matana lakah hian case a file ngam tur a ni ang. A ngam lo a nih erawh chuan Mizoram mipuite hian Pu Patea hi dan lova MLA, dan bawhchhia (criminal), diklo taka contract pe/thawk a, Election Commission laka affidavit dik lo siam, ram hruaitu ni tlak lo tiin ngaihdan kan siam dawn a ni. Chutih rualin Pu Matana hian address loh tur zawk hi a address a nih hmel. Governor of Mizoram address a, copy pawh Election Commission leh Assembly Speaker pek tel tur a nih hmel zawk. A chhan chu Article 191 hnuaiah hian thu tawp siam theitu chu Governor a ni a.

Hei mai hi a la ni lo. Pu Patea puhna hi thu dik a ni ang a, Election Commission-in complaint a chhui chiana Constitution Article 191 hnuaiah disqualify a hlauh avanga banna a thehlut a, chutiang bawkin Deputy Speaker pawhin kha an puhna chuichian a nih lohna tur leh Pu Patea humhim duh vangin awlsam takin kha banna kha a lo pawm ta mai em ni (?) tih hi mipui ten kan ngaihdan a ni. Disqualify lova a banna pawm a nih chuan Bye Election-ah pawh a in candidate leh thei mai dawn bawk a ni. Hei erawh a chiang - ban avang ngawt hian khang action lakna tur kha engmah a dang ngawt thei lo tih hi a ni.

Chutih laiin tute emaw thudik hriatchian hma hauhva kan bialtu MLA tih vel avanga thuchhuah siam a, lo iak iak ve chhen hi chuan rorelna dik an hua niin ka hria! Dikna thup bova, sual tipunluntu mai an ni. Dikna duh an nih chuan puhna zawng zawng chhui chian anih hma chuan a pawng a puiin Bialtu MLA a nih vang ngawtin an lo chhan hlur tur a ni lovang. Sual titu chu ka pa/nu/unau pawh nise, kan Kristianna chhalin, hum kan tum ngawt tur a ni dawm em ni? Corruption a zung nena phoro duhtu kan nihna kha kan lantir tur na ni zawk ngei ang.

A tawpnan, Pu Matana chungah hian Mizoram mipuiten lawmthu sawi kan ba-in ka hria! Hmanah khan CM te nupa beer (zu) in avang khan FIR thehlutin a lo buaipui vak tawh a. Mahse evidence a tha tawk lova ngaiin police lamin action an la zui ta lova. Tunah Opposition Party (MNF,ZNP, MPC leh BJP) ten an duh em em (ti ila kan tisual lovang chu) an tih theih loh leh nachang an hriat loh, hetiang hian foreign atangin hma a rawn la a, Minister pakhat chuan a ban phah ta reng a ni. Pu Matana hian kan CM  leh Pu Patea hi a huat ngawt ka ring lova. Mipui aiawh an ni, an tihdiklo avang hian ram leh hnamin nasa takin kan tuar theih avangte leh mipui ten an chungah rinna kan nghah ang hi an hlen chhuah ngei theih nan hetiang hian a ti a nih ka ring tlat a ni. Opposition Party pali (4) te hian Pu Matana pawh hi intluklo a ni ber lawm ni? Ram leh hnam kan hmangaih dan hi Mizoram political party zawng zawng hian in bihchiang teh ang u. Hei lo pawh hi media leh PRISM lamin sawrkar leh official-te thiltih dikloh an chhui chhuak a. Politics field ah bawhzui nachang inhre ngai miah lova. Assembly Session-a auchhuah pui dum dum tura kan ngaih lai che u in a tawp leh ngawt zel a nih hi! Congress sawrkar hi a tha lo kan tihna a ni lo. Sawrkar chak leh thiltithei tak a ni! Mahse sawrkar khalh ngil turin Opposition party chak Mizo mipuiten kan mamawh a ni! Chutiang Opposition chu nih tum hram hram teh u! Chu ngei chuan ram hruaitu/sawrkarna chang tlak in nih leh nih loh in tarlang thei dawn a ni.

ZORAM POLITICS LEH THLANTLIN HRUAITUTE

(Chhinlung magazine-a Zoram politics leh kan thlantlin hruaitute chungchang ziak tura sawmna ka dawn ve avangin Bangalore Mizo Association Chhinlung editor leh a thawhpuite chungah lawmthu ka sawi duh a. He thupui lian leh pawimawh tak mai hi keini thangthar te hian kan ram politics dinhmun tih hmasawnnan party atchilhna bansanin, rilru thar nen I han ngaihtuahho dawn teh ang.)

Politics hi Mizo te hian kan hmelhriat ve viau tawh emaw kan ti mai thei a, mahse political party hrang hrang thuchhuah te leh sorkar kalphunga mipui titi atang te hian politics kan hriatthiam dan a lo la chianglo hle tih nikum atang khan ka hmuchhuak a. Pianthar dan sawichhuak thlap thei piangtharna chang silo kan tam ang deuh hian mi tam tak chu kan au nasa hle. Chuvang chuan politics nihna leh a hman dan dik kan inzirtir thar te pawh a tul viauin a lang.

“Politics” tih hi Sap tawng a ni nain Mizo tawng ang maiin thingtlang kilkhawr berah te pawh kan hmang a. Sap ho pawh hian “politics” hi Thuthlung Thar bu ziahna tawng - Grik tawng - “politikos” tih atanga an lo lakchhawn a ni. “Khua leh tui te chungchang emaw khua leh tui te hamthatna chungchang” sawina a ni ber mai awm e.

Hmasanga hnam fing hmasa Grik hoten politics chungchang an han sawi khan an kawhtir ber chu mihring chengho inenkawlna leh inrelbawlna dan hi a ni. Inenkawlna dan hrim hrim phei chu Mosia hunlai pawha an neih tawh a nih avangin politics kan tih hian thil bawlhhlawh leh tenawma ngaih tur a ni lo tih kan hre thei awm e. Lal Davida hna pui ber kha mihring chengzaho enkawl leh an chunga rorel a ni a. Josefa hna pui ber pawh Aigupta ram enkawl a ni. Tunlaia a tlukpui chu Prime Minister a ni ang. Chutiang zelin zawlnei Daniala te, zawlnei Nehemia te leh Bible-a Pathian mi kan hmuh thenkhatte hi mihring chengzaho enkawlna politics-a inhmang mai nilovin thuk tak taka intatlut te an ni hlawm. Tunlai tawngkamin han sawi ta ila, politics-a zuang lut an ni ber mai. An politics khelh dan erawh a dang hle.

Kum zabi 21-naa kan hman ang politics hriatthiam dan dik neihnana Oxford Dictionary-in politics a hrilhfiahna pakhat hi a tangkai theiin a rinawm – “The activities associated with the governance of a country or area, especially the debate between parties having power.”

He dictionary-in a hrilhfiah dan chuan ram inrelbawlna kaihhnawiha hmalakna emaw thiltih reng reng chu politics a ni a. Kohhran emaw tlawmngai pawl te thiltih (activity) sorkar inrelbawlna nena inzawm reng reng chu politics a ni tel vek tihna a ni ber chu, ram inrelbawlna leh rorelna a nghawng avangin. Tin, kohhran chhungah pawh hian politics chu a awm ve hrim hrim bawk awm e.

Bible-a Pathian mi kan hmuh ten an rinna phatsan lova ram rorelnaa an tel theih chuan mi tha kan tih te leh kohhran mi thlarau mi kan tih te hian politics an ngaihven ve mai chauh nilovin, an tel theihna nia an hriat chuan thuk taka an tel hi thil tha tak a ni. Pathian tih leh dikna ngaina miten ram an hruai loh chuan ram a dam thei lo. Tin, “kuanglo nawr” tih kan sawi fo hi rinnaa mihuaisen kan han tarlan hote khi chuan an pawmloh thil a nih hmel. Kuanglo nawr han sawi takah chuan kan Governor hlui Shri A.R.Kohli-a kha kuanglo nawr nasa ber a ni thei ang. Governor tih tur India Constitution-a inziak nilo thil a tih hnemzia kha! Kohhran pakhatin Pathian Thuchah puanna maicham pulpit an chuankai tir te phei kha chu a fuhloh takzet. A chuankai tirtu te nen lam khan an thiamlo awm e.

Pathian mite pawh politics ah an leng vek kan tih rual hian phur nazawng telna chi erawh a ni hauh lo, Pathian Thu sawi chak leh sawi thei nazawng pulpit chantir a tha lo ang deuh hian. Politics chu bawlhhlawh taka chetna emaw inthiarfihlim ngaihna thil a nilo tih chiang turah inngai ta ila a tha awm e.

Mizorama politics kan hman ang chi hi tun hmain kan hmang ngai lo tih keini thangthar te pawh hian kan hre vek a. Mipuiin thlantlin hruaitute kuta ram rorelna dah ang chi nilo hian Lal leh Lal khawnbawlten ro an rel thin. Ziaka chhinchhiah a awm chiah lo nain Vailen hma Lalte rorelna hnuaiah khan Mizo mipuite kha lungawilohna avanga kawngzawh emaw chhiah chawi – fathang – tam uchuak tih vanga lungawilohna lantir ang chi te a awm lem lo niin a lang. Amaherawhchu, Mizo Union pian hnu khan Lal ban duhna politics a alh chak hle a. Lalte felloh vang nge vairam/khawthlang ram politics kan tem vir vang pawh a hriat tawh loh, hmasang atanga Mizoten inrelbawl dan – politics – kan neih chu zir pawh kan zir chianloh khawthlang ram politics tihdanin kan thlak ta thut a. Vai ho politics ze chhia kan la lut teuh leh nghal a. UT kan nih atanga chhutin kum 40 chuang kan hman hnuah pawh hian Zoram politics ke chheh hi a la bai nasa hle a ni. Speaker lo ni tawh thin Pu Rokamlova chuan Mizoramah hian politics hi “phakarna”-in kan tan a ti hial a ni.

Kan thlantlin hruaitute’n mipui rawngbawltu an nihna theihnghilha mipui chunga leng anga an tawng leh khawsak fo dan en hian kan politics thlen chin chu a hriat theih awm e. Mipui rawngbawlna aia mahni in leh lo din buaipui zawkte phei hi chuan politics hi an hmangsual nasa hle a ni.

MLA bik han thlur ta ila. MLA ni tura tehna hrang hrang hi a awm thei anga, duhdan hrang hrang hrutrual vektu leh keini pawhin kan lo tehna ber tur chu India ram dan sang ber Constitution hi a ni ang. Chu danpui Article 173-na chuan heti hian a sawi a:

"Qualification for membership of the State Legislature - A person shall not be qualified to be chosen to fill a seat in the Legislature of a State unless he (a) is a citizen of India...(b) is...not less than twenty five years of age..."

Bru emaw Chakma pawh nise, India ram khua leh tui, kum 25 aia naupang lo inthlannaa chak a nih chuan Mizoram sorkar rorelna sang ber Legislative Assembly-a roreltu Member ni turin an tling tawk tih hi Mizote kan behna ram danpuiin a sawidan chu a ni. He dan hi Mizoram-a Mizo nilo MLA kan neih nachhan pawh a ni a. Mizo nilo MLA kan nei hi thil ni miahlo tura dah tur erawh a ni lo. Kan politics kalphungin a kentel a ni tlat. (Israel ram parliament – Knesset – ah pawh khuan Arab mi an awm). India hnam nilo Mizote India ram rorelna inpui ber Parliament-a Member kan nih theihna pawh India Constitution vang tho a ni.

MLA ni tura thlantlina puante chuan Constitution Schedule 3 part 8b-a thutiam lakdan tur inziak angin state rorelna inpui Legislative Assembly-a lakluh an nih hmain thu an tiam tur a ni tih Constitution Article 188-nain a sawi a. A thu inziak dan chu hetiang hian a ni:

"I, A.B., having been elected (or nominated) a member of the Legislative Assembly (or Legislative Council), do swear in the name of God/solemnly affirm that I will bear true faith and allegiance to the Constitution of India as by law established, that I will uphold the sovereignty and integrity of India and that I will faithfully discharge the duty upon which I am about to enter.”

Minister te chuan Schedule 3 part 5 hmangin hetiang hian thu an tiam:

“I, A.B., do swear in the name of God/solemnly affirm that I will bear true faith and allegiance to the Constitution of India as by law established, that I will uphold the sovereignty and integrity of India, that I will faithfully and conscientiously discharge my duties as a Minister for the State of (Mizoram) and that I will do right to all manner of people in accordance with the Constitution and the law without fear or favour, affection or ill-will.”

MLA emaw Minister/Chief Minister ni tura India ram danpuiin tlin theihna dan a siam hlenchhuak te hi India ram danpui vekin thutiam pawimawh tak mai an lak phawt loh chuan MLA emaw Minister/Chief Minister an nih a remti lova. Intih puithuna nilovin dan hmanga intiamkamna, hruaitu ni tura mipuiin kan thlantlin ten an hming ziak thlapa thu an tiamna a ni.

Chu’ng kan MLA te chu lo pawngpaw sawisel emaw kan party an nih vanga lo tan em em te hian awmzia a nei tehchiam lova. An lo hmelchhe deuh a nih paw'n India Constitution in hmelchhiat vanga MLA nih phallohna a sawi loh avangin pawmloh nachhan tur a awm lo. Hausa leh rethei thliarna a awm loh avangin mi a hausak vang ringawtin MLA nih theihna dan a awm chuang lova. Tin, MLA lo ni tawh fapa emaw fanu an nih pawhin Constitution hian an pate dinhmun luah thin luah ve ngawtna dan a siam hran bawk lova. Party President emaw Chief Minister duhsak nih vang ringawtin MLA nih theihna tura dan tesep engmah duan a awm lo a ni. Lal thlahte pawh MLA seat hauhsak an nilo.

MLA te hian MLA an nih dawna rinawm taka an mawhphurhna lak tur hlenchhuak tura intiamna thu an chhiar chhuah - "...I will faithfully discharge the duty upon which I am about to enter..." – avang hian danin a phut anga hnathawh tur an thawh ngei ngei a ngai a, an lo tih loh hian dan an bawhchhia tihna a ni. Rinawm taka mawhphurhna hlenchhuak tura thutiam an lak hre reng chunga an bawhchhia a nih phei chuan anmahni thlangtlingtute nena rinawmna thuthlung an siam chu nasa takin an bawhchhia tihna a ni. Nupa inuiresan te pawh a tehkhin theih awm e. Bialtu MLA hnathawk thalo deuh bial ngaia an din ngam thinloh nachhan te pawh hi mipuiin candidate an rin tawh loh vang a ni thei ang.

Minister emaw Chief Minister ni tura thutiam an lakah hian thil pathum pawimawh deuh deuh a awm a. A mal te tein I han bihchiang dawn chhin teh ang.

1) "I will bear true faith and allegiance to the Constitution of India as by law established" leh "I will uphold the sovereignty and integrity of India" tia thu tiam an nih avang hian India ram pumkhatna tichhe tur lamin thil an ti tur a ni lo tihna a ni ber mai. Chief Minister-in Zofest khawmpuia, “Mizote thinlungah independence beiseina nung reng se” tia a sawi khan MZP te leh khami tuma kalkhawmte ngaihthlak duhzawng a ni tih a hriat avangin India ram "sovereigty" leh "integrity" tungding tlat tura thu a tiam pawh CM khan a dah tha a. A khawiah zawk nge Chief Minister hian a rinawmna a lantir dawn tih zawhna lian tak a awm thei awm e. India ram thendarh a nihlohna tura thu tiamtu hian India ram thendarh ngei ngaihna tur Mizote independence hi a sawi a rem lo a ni.

Tin, Member of Parliament thutiam pawh lo la tawh, tuna Mizoram rorelna inpuia eptu intelkhawm pawl hotu MLA Pu Vanlalzawma'n Oct 24, 2013-a, ZORO buatsaih UNO Day-a, "Zo hnahthlak hnam hrang hrangte pawh international boundary-in min dang eng ang mah se, inzawm khawm kan duh tlat chuan min dang reng thei lo ang...India ram hi tun ang hian eng chen a kal dawn a hriat loh a, a la keh darh lo ang tih sawi theih a ni lo" tia a sawi te pawh kha mahnia ro inrel ram nih duhna rilru atang chuan a dik thlap mai thei, mahse MLA (leh MP) ni tura thu lo tiam tawh tan chuan khatianga tawngchhuah kha India ram danpui kalhna a ni tih kan hmu thei awm e.

2) "I will faithfully and conscientiously discharge my duties" tia Minister leh Chief Minister ten thu an tiam hian an hna chanpual rinawm tak leh ngaihtuahna fim tak hmanga dik taka thawk tura thu an tiamna a ni a. “Conscientiously” tih lai hi a pawimawh hle. Chhia leh tha hriatna thiang tak hmanga hna thawk tura intiamna a tawngkam a ni tlat a.

Nikum 2013 kum tawp lam khan Mizo Zirlai Pawl ten Mizoram state quotaa Mizo/Zo hnam te duhsak hmasak bik kan nih theihnan Higher & Technical Education leh Art & Culture Department minister chu "indigenous" tih hrilhfiah turin an phut a. An phut chhan pawh Mizo hnam chauh hi Mizoram leilung fatea an pawm avang leh "indigenous" tih tawngkam sawibuaina a awm vang a ni. Higher & Technical Education department minister chuan dictionary hrilhfiahna leh a department hnuaia Tribal Research Institute lehkhabu chhuaha Chakma te Mizoram lei an rawh rah hmasak ber 1872 a nih thu hre reng chungin Law and Judicial department te hrilhfiahah a ti ta hlauh a. Law & Judicial department hian vawiin ni thlengin mipui hriatah an la hrilhfiah lo niin a lang, a har loh tehreng nen.

Tin, a hnu deuhvah, sorkarin a hrilhfiah tawh leh tawhloh Sports Minister zawh a nihin, "...indigenous chu hrilhfiah ngai an awm lo a, Supreme Court of India in a hrilhfiah dan hi fimkhur tak in kan thlirho zawk mai a ni" tiin a chhang a. Supreme Court in indigenous chungchang a sawi lah chu Mizorama indigenous chungchang kan buaipui nen a inang miah lo lehnghal a.

Kan thlantlin hruaitu Higher & Technical Education leh Sports & Youth Services department minister te hian an hmaa tla, rel fel leh tihchian tur chu politics bawlhhlawh ngaihtuaha avangin ngaihtuahna fim tak hmanga dik taka ti ta lo chuan an ngawihsan ta zawk a. Vawiin thlengin kha Zoram buailuaina boruak kha chinfel a la ni ta lo zel a ni. Higher & Technical Education minister-in dictionary leh Tribal Research Institute lehkhabu hmanga indigenous tih tawngkam a hrilhfiah theih reng, mahse a hrilhfiah tak si loh avang te, Sports & Youth Services minister in thupui pehhela zawhna a chhan vangte hian an thutiam "faithfully and conscientiously discharge my duties" tih chu an bawhchhia tihna a ni.

3) “I will do right to all manner of people in accordance with the Constitution and the law without fear or favour, affection or ill-will” tia thu an tiam hian hlauhna emaw, duhsakna emaw, ngainat bikna emaw huatna tellova Constitution leh dan dang te zawm thlapa mi zawng zawng chunga thil dik ti tura an intiamna a ni a. Kan thlantlin hruaitu minister te hian duhsak bik vanga tute emaw contract hna an lo pek te hian an thutiam leh India ram danpui an bawhchhia a, thuneihna an neih theihna danpui leh a thlantlingtu mipui te chu an zahlo tihna a ni.

Nikum MP inthlan campaign laia Chief Minister in UDF MP candidate eizawnna company North East Consultancy Services (NECS) leh Mizoram sorkar inzawmna chhutchah a nih tur thu a sawi khan “ill-will” vang ni ngeiin a lang a. Mizoram sorkar hian NECS nena an inzawmna a titawp tak tak a nih chuan Chief Minister-in a thutiam a bawhchhia tihna a ni ang. An la chhuchatlo a nih pawhin khatianga Chief Minister in thu a sawi kha a thutiam spiritbawhchhiatna lian tak a ni ta reng reng.

Sawi tawh tawh ang khan keini’n kan lo teh thinna te hi Constitution-in a ngaipawimawh tehchiam lova, missionary emaw evangelist emaw kohhran upa thlang tur kan ni lo bawk a, “Constitution leh danin a phut an hlenchhuak em? Inthlannaa tlinga puan ni turin India ram election danin a phut angin an khawsa em? Representation of The People Act Section 100-na an bawhchhia em? Mipui rawngbawl duhna thinlung an nei em? An thutiama ding mi an ni em?” tih te hi kan zawhna ni ta zawk se MLA tha kan thlangchhuak theiin a rinawm.

Kan thlantlin hruaitute hi thudik ngaina tlat mi an nih leh nih loh kan hriat a pawimawh hle bawk awm e. National Urban Health Mission (NUHM) hnuaia consultant hna thawk tur laknaah eptu MLA pakhatin Health Minister chu he hna lak dana thil diklo ti ah a puh a. November 24, 2014 khan Assembly session-ah Health Minister chu NUHM consultant laknaa Interview Board chairman hnena SMS hmanga tih tur hrilh angin a sawi a. Health Minister hian puh a nih darkarah ni lo, a tuka Assembly session-ah sawifiahin, SMS thawna puhna chu thudiklo tiin SMS a thawnloh thu a sawi a, SMS thawna puhtu pawh chu SMS a thawn ngei a ni tih hai lang turin a phut nghe nghe a ni.

Constitution Article 194/2-na hian MLA te hi Assembly session-a an thusawi reng reng court-a khinbuai theihlohna a siam sak a. Heti hian kan danpui chuan a sawi – “No member of the Legislature of a State shall be liable to any proceedings in any court in respect of anything said...” Health Minister hian hna lak chungchanga SMS thawn hmanga dan bawhchhiaa puh a nih khan darkar engemawzat hnu a tukah SMS a thawnloh thu a sawi a. A puhtuin a puhna tihchianna a neih ta lo bawk nen, a phatu phatna chu mipui court ah chuan pawm angin a awm ta a. A “fifty-fifty” leh ta a ni.

Health Minister khan thudiklo lo sawi ta se, a thusawina hmun leh hun avang khan SMS a thawnloh thu a sawi hrim hrimah kha chuan court ah engtinmah a chungthu ngaihtuah theih a ni lo.

Kan thlantlin hruaitute hian thudiklo, thu belhchian dawllo leh dawt hlang an lo sawi thin avangin he SMS scandal ah pawh hian mipuiin thudik kan hre ta chuang lova, a puhtu puhna pawh hi a dik leh dikloh finfiahna mipuiin kan hmu ta chuang lo a ni.

Famkimlo mipuiten mihring famkim hruaitu atan thlan tur kan hmu dawn ngai lova, amaherawhchu heng kan politician ram hruaitute hian mipui thatna tura an thawh theih dawn loh chuan, ram ropui America dintute’n an chunga lal hrawt Kumpinu sorkar laka an inlakhranna thupuan – Declaration of Independence – a an ziahlan hi keini Zofate pawh hian kan dikna a ni tih kan pawm a tha hle ang.

“We hold these truths to be self-evident, that all men are created equal, that they are endowed by... their Creator with certain unalienable Rights, that among these are Life, Liberty and the pursuit of Happiness.--That to secure these rights, Governments are instituted among Men, deriving their just powers from the consent of the governed, --That whenever any Form of Government becomes destructive of these ends, it is the Right of the People to alter or to abolish it, and to institute new Government, laying its foundation on such principles and organizing its powers in such form, as to them shall seem most likely to effect their Safety and Happiness.”

Europe-a Lalte rorelna zalen lo tak leh mipui mimir tana dinchhuahna awm hleihtheihlohna tlansana ram thara bul thar zu tantu te leh a hnua zu zawmtu te khan mihring zawng zawng hi Siamtuin intluktlang vekin a siam a ni tih an pawm nghet bur a. Chu mai nilovin, Siamtu chuan pianpui dikna chanvo hrang hrang mipuite chu a pe tih an pawm bawk a. Chu’ng dikna chanvo zingah chuan nunna te, zalenna te, nun hlimna tura hmalakna te a ni. Chu dikna chanvo pathum pawimawh tak tak te chu thuneihna hrang hrang hmanga laksak theih a ni tih an hriatchian avangin sorkar chu chu’ng dikna chanvo vawnghim tura din a ni a, amaherawhchu a rorelsaka te hriatpuina tellovin sorkar chuan thuneihna a hmang thei lo tih an sawi chiang hle. Sorkar an din chu mipui dikna leh chanvo humhalh zawng nilo, a tichhe zawnga a kal chuan thlak danglam emaw tihtawp veka sorkar thar din leh chu mipui dikna a ni tih an sawi chiang hle bawk. Famkimlo hle mah se, chu sorkarna lungphum ril leh nghet tak avang chuan USA hi khawvela ram chak leh ropui berah a inhlangkai thei a ni.

Kan Chief Minister-in, “...tupawh hi kan accountable a ni tih hriat reng a ṭul a ni” tia a lo sawi kha kan thlantlin hruaitute hian an ngaihpawimawh a tul hle, an theihnghilh changin keini a thlangtlingtute hian kan hriatnawn tir thin tur a ni ang. An theihnghilh hmin der a nih phei chuan US Declaration of Independence -a kan mihringpuiten an lo tarlan ang hian sorkar hi kan thlak/titawp tur a ni a, a thutiama ding sorkar awmze neiin kan thlak thin tur a ni. An sawi thin politician te tum ber chu inthlanna tlin tih hi a dik a nih chuan kan thlantlin hruaitu te hian tlin zel an duh dawn a, buka teha a tlinglo chu kan lo hnawl thei a ni. Chutianga kan tih ngam chuan kan Zoram politics hi a felfai sawt anga, hruaitu tura kan thlantlin te pawhin mipui tan tak tak hna an thawk thei ang.