Zawlbuk chanchinbu August 26-a chhuakah he thu hi a lang a: “Pu S.Laldingliana, Vice Chairman, HPC, Lunglei chuan sorkar laipuiah BJP a sorkar avanga MNF leh party dang ten Mizoram sorkar chu reilotea thiah ni mai tur anga thu an thehdarh thin thu leh hei hi dawt a nih thu nimina Lunglei District Congress Committee-in Political Session an neih a hmanpuinaah a sawi. State sorkar thiah a emergency puan theihna chu Article 356 a nih thu leh Mizoramah Congress sorkar nghet tak dingin, MLA 40-ah 34 chu Congress an nih thu a sawi a. MNF leh party dang ten heti anga sorkar thiah a ni mai dawn tiin sawi mahse, engtikawng mahin sorkar tlukna tur chhan a awm lo a ni, a ti bawk.”
“Phantoma” lar zual laia UDF hruaitu thenkhatten hetiang lam an sawi rik tih loh kha chu a hnua han sawi leh an awm chiah pawh ka lo hre lova. Pu S.Laldingliana’n a han sawi chhuah leh takah chuan hemi chungchang hi I han ngaihtuah ho dawn teh ang u.
Pu Dinga hian a sawi chhan hi ka hre lo naa, Article 356 hmanga central sorkarin state sorkar a thiah (dissolve) theih thu a sawi khi chu India Constitution enin a dik reng a, "engtikawng" maha Mizoram sorkar tlukna chhan tur awm lo anga a sawi erawh hi chu ngaihtuahnawn a ngaiin a lang. Constitution Art 356 kan en chuan heti hian kan hmu a:
Provisions in case of failure of constitutional machinery in States.
If the President, on receipt of a report from the Governor of a State or otherwise, is satisfied that a situation has arisen in which the Government of the State cannot be carried on in accordance with the provisions of this Constitution, the President may by Proclamation—
(a) assume to himself all or any of the functions of the Government of the State and all or any of the powers vested in or exercisable by the Governor or any body or authority in the State other than the Legislature of the State;
(b) declare that the powers of the Legislature of the State shall be exercisable by or under the authority of Parliament;
(c) make such incidental and consequential provisions as appear to the President to be necessary or desirable for giving effect to the objects of the Proclamation, including provisions for suspending in whole or in part the operation of any provisions of this Constitution relating to any body or authority in the State
A tawi zawngin sawi ta ila, state leh UT sorkarte chu constitution tlawhchhana din leh kalpui a ni a. Inrelbawl dan tha ber leh famkim nilo mah se chu danpuiin a phut ang lova ram inrelbawlna a kal chuan Lt.Governor/Governor-in President hnenah state leh UT sorkar dinglai thiah turin thu a thlen thei a ni. Chutianga state leh UT sorkar thiah chu "President’s rule" tih a ni bawk. Chutiang chu India ramah hian vawi 100 aia tam a thleng tawh a, Indira Gandhi sorkar khan a uar hle. President’s Rule neih chhan pawh a inanglo thei viau mai. Party politics inbeihna rawngkai te a nih theih avangin Art 356 hian sawi a hlawh hle bawk a. Tunah hian President’s rule-a awm mek chu Delhi a ni a, February 14 atang khan Lt.Governor rorelna hnuaiah a la awm a ni. AAP ten President hnenah inthlan buatsaih tura hma la turin an buaipui nasa khawp a. Mahse, BJP kaihhruai NDA central-ah a sorkar bawk si a. "Deadlock" an tih angin a awm a ni ber mai.
Article 356 innghahna chu Article 355 a ni a. Chutah chuan central sorkar mawhphurhna kan hmu:
Duty of the Union to protect States against external aggression and internal disturbance
“It shall be the duty of the Union to protect every State against external aggression and internal disturbance and to ensure that the Government of every State is carried on in accordance with the provisions of this Constitution”
Burma sorkar emaw Bangladesh sorkar hian Mizoram hi rawn bei dawn ta se, central sorkarin Mizoram venhimna tura mawhphurhna a neih avangin a sipaite a hmang anga. Burma sipai emaw Bangladesh sipai te chu a lo bei let dawn tihna a ni. Chuvanga Border Security Force te hi kan rama rawn dah an ni.
, “kan ngawi reng bik dawn tawh lo” tiin Aizawlah hian kawng zawh ta mup mup se. Mipui thahnem takin tawiawmin sorkar hnathawk te leh minister te kar nan an office kai tur te dang ta tlat se. Police te nen, nurse ho an nawr ang khan, in nawr ta chiam mai se. Mipui zingah lo hawklak pawl awmin tharum thawhna te thleng ta se, police te chuan chu’ng tharum thawh te chu bei letin thisen luang zel zul ta mai se. Emaw, vanduai thilah mipui leh police te innawrnaah chuan mi thenkhatin nunna chan palh ta se boruak a sosang dawn hle tih a hriat theih awm e. Chutiang boruak chu thil thleng thei lo a ni lova, Kristian kan ni kan tih vanga tharum thawhna leh buai luai luaina thleng thei lo tura kan ngaih chuan kan tisual hle ang.
Ka han sawi tum ber chu, boruak thalo tak hi ram chhungah chhan hrang hrang vangin a thleng thei tih hi a ni. Chutiang a thlen palh chuan sorkarin a tih tur ang a ti thei dawn lova. Constitution in a phut anga a kal theih loh chuan President’s rule puan a ni thei a ni.
“…In accordance with the provisions of this Constitution” tih atang hian Constitution dah pawimawh a nihzia kan hre thei awm e. Sawi tawh ang khan politics rawngkaia Art 356 hmanna nia lang a awm thin avangin Supreme Court in 1994 khan S. R. Bommai v. Union of India case ah thutlukna pawimawh deuh a siam a. Chuta tang chuan Art 356 hmansualna a nep phah hlea hriat a ni.
Mizoramah hian lungawilohna tur a tam sawt hle. MNF sorkar term hnuhnung ai khan a buai thei dawnin a lang. Hindi zirtirtu 1305 te chuan kumin April thla atang khan hlawh an la thei tawh lova. An mangang tawh hle. Natna hlauhawm tak tihdamna awmlo HIV/AIDS dona sum central sorkar atanga rawn kal pawh sorkarin a lo pawhpen avangin chu natna dona pawh chu a thuanawp a. Chief Minister in thuthar lakhawmtu pakhat hnenah a sorkarna hnuaia corruption awm lo tia a sawi laiin doctor 35 hna pek chungchangah High Court-in in sorkar tihdanah Constitution Article 14-na leh 16-na a bawhchhia a ni thu a sawi a. Chutiang bawkin Hnahthiala SSA zirtirtu lak chungchangah duhsak zawng qualification nei lo hna pek a ni a, Article 14-na leh 16-na kalh bawkin. Sawitu pakhatin a sawi dan phei chuan Plan Fund atanga hlawh la 10000 bawr velin CSS fund an ring mek a ni awm e. Chief Minister berin MLTP Act bawhchhiatna nia hriat ngeiah pawh police hoten dan an palzut a, Home Minister ngei pawhin dan ngaipawimawh lovin "beer mai mai te chu a ho em mai" a ti a. Chakma foreigner awm ngeia hriatnaah pawh dan hmangin a man duh lova. A list hi a sei viau a ni.
Hriat reng tur chu kan sorkar hruaitute hian an dinhmun an chelh dawn hian India ram constitution ang thlapin Schedule 3 part 5 tlawhchhanin thu an tiam a ni:
I... do swear in the name of God/solemnly affirm that I will bear true faith and allegiance to the Constitution of India as by law established …that I will faithfully and conscientiously discharge my duties as a Minister for the State of Mizoram and that I will do right to all manner of people in accordance with the Constitution and the law without fear or favour, affection or ill-will.
He dan tlawhchhana thu an tiam khan an hming an sign vek a. Legal document a nih avangin awmze neilo a ni lo a ni.
Kan ramah hian kan sorkar hian Constitution bawhchhiaa thil a tih zel chuan mipuiin kan auchhuahpui anga, Narendra Modi-a sorkar hian Constitution kalha rorel a nihna changchawi hian kan Congress sorkar hi a rawn tibuai ang tih a hlauhawm hle a ni.
No comments:
Post a Comment