MERRY CHRISTMAS (BUT DON'T DO NOTHING)

"So, this is Christmas and what have you done?" asked John Lennon and Yoko Ono in their 1971 song "Happy Xmas (war is over)".

Tomorrow, the world will awake to the 2014th celebration of Christ's birth. For believers, the birth of Christ means peace, hope, joy and love because the Bible says, "For God so loved the world that he gave his one and only Son, that whoever believes in him shall not perish but have eternal life."

Peace because the troubled soul can find rest. Hope because the dying sinner can look for eternal salvation. Joy because the sinful world has seen a light. And love because God, the creator of the universe, in all his glory and majesty decided to strip himself right down to become a mere mortal to pay the ultimate price for our salvation. It is a truth so profound that you need to have the heart of a child to believe.

Someone said it takes more faith not to believe in God. I would venture to say that believing in God and what God did for you through Jesus is the only deciding factor in your life that has an eternal effect. If you haven't done so or if you are on a crossroad, I sincerely hope you will make this day your day of decision.

The Bible even says, "Today is the day of salvation".

We know that when we sing, "Silent Night, Holy Night. All is calm, all is bright", all is not calm and all is certainly not bright today. If we look around the world, especially around the region where Jesus was born over two thousand years ago, death and destruction seem to be the norm of the day.

In Sydney and all across Australia, law enforcement agencies just cannot relax. They are on high alert because of terrorism within Australia. Death and destruction seem to be the agenda of these evil people.

In India, the political base of the ruling political party is starting to show its ugly head. We know that the Hindu fanatics see the Indian government not as a force for restraint but rather a protector and sympathiser of its radical ideology. Hundreds of Christians in India, including other religious minorities, are ever more under threat from Hindu religious fanatics today. Time will tell if the "Hindu nationalist" Prime Minister will be faithful to the Constitution or whether he will let the Jekyll in him take over.

In the state of Mizoram, majority of the people are singing Christmas carols. They are preparing for the most festive time of the year. They are singing songs in praise of the God that has come to be with his created beings - God the Immanuel. Yet, in their heart of hearts they fear what tomorrow will bring because when the carols are over and the merry makings have ended, they will enter into a new year full of apprehension. Surely God is with them but God does not always intervene to break His order of things. For He has placed them to be used and managed wisely.

The holder of public trust - the government of Mizoram - has literally squandered the public treasury with total disregard for the solemn oath it took "to do the right" under the highest law of the land - the Constitution. According to various reliable sources, the Mizoram government is almost bankrupt and 2015 will not usher in happy times. In fact, it may very well spell doom for the government that seems to continue in its path of unchecked spending of public money.

The result? Scores of government employees are or have not been paid their rightful wages. Only a few weeks ago, some 1300 Hindi teachers were denied their wages for 7 months. And a host of Centrally Aided school teachers face similar crisis. Crisis because these teachers are husbands and wives with kids and family. They need to pay their bills and buy food and other things to live.

I know a single mother of three whose last three months pay hasn't come. In her desperation, she goes to her parents for money. Money that she borrows until her employer - the Mizoram government - pays her salary. She doesn't find it easy because no parent finds it easy to ask their parents for money. But there may be hundreds more even more unfortunate than this teacher with no parents to lend them money while the government scrambles to balance the books.

I am afraid that the resentment towards the incompetence of the government will be so great in the coming year that we will see a movement willing to break the norms of established order even in a violent way. We have seen it all over the world by the disaffected population. Some were held back by their oppressive governments while some succeeded in uprooting the governments that have lost their legitimacy.

In my opinion, the government of Lalthanhawla has lost its legitimacy. It is out of touch with the common people. It is not faithful to the solemn Constitutional oath that requires it to "faithfully and conscientiously discharge" its duties and to "do right to all manner of people in accordance with the Constitution and the law without fear or favour, affection or ill-will."

Thomas Jefferson, one of the most profound thinkers among the Founding Fathers of the United States and drafter of the US Declaration of Independence, was convinced that governments are temporary entities established to serve a purpose, some of which are the preservation of life, liberty and the pursuit of happiness. He believed, as he acted out his belief during the revolution, that “whenever any form of government becomes destructive of these ends [life, liberty, and the pursuit of happiness] it is the right of the people to alter or abolish it, and to institute new government...”

When the government fails and continues to utterly fail, then we, according to Jefferson, have the right to replace the government.

If Edmund Burke was right when he said, "the only thing necessary for the triumph of evil is for good men to do nothing" then surely there are good men and women willing to do something about it. If this strikes a chord in your heart, count yourself in.

As you look forward to celebrating the birth of the Saviour of the world, our family wishes you a very merry Christmas. May your heart be strengthened with all might, for God is still on the throne even when evil seems to triumph in this fallen world.

FREEDOM OF SPEECH

Kum 223 kalta, 15^th December 1791 khan, Kumpinu sorkar laka talchhuak ram thar - USA - hruaitute chuan an ram thar inrelbawlnaa mihring chengte dikna humhalhnan dan thar an siam te an nemnghet a. An danpui an siamthat (amend) zinga a hmasa 10 te chu Bill of Rights tiin an ko a ni.

Chu Bill of Rights ah chuan thil pawimawh deuh mai pakhat, American ho phei chuan an hlut em em a awm a. Heti hian a inziak:

“Congress shall make no law respecting an establishment of religion, or prohibiting the free exercise thereof; or abridging the freedom of speech, or of the press; or the right of the people peaceably to assemble, and to petition the Government for a redress of grievances”

A tawi zawngin sawi ta ila, USA dintute khan ziaka dah ngei tula an hriat chu – an parliament (Congress) in sakhaw tihbik emaw tihlohbik neiin dan a siam tur a ni lo tih te, parliament in miin a duh anga thu a sawi theihna a neih dal zawngin dan a siam tur a ni lo tih te, chanchinbu lamin zalen taka thu an puanna dal zawngin parliament in dan a siam tur a ni lo tih te, ralmuang taka mipui pungkhawm tibuai thei zawngin parliament in dan a siam tur a ni lo tih te leh mipui lungawilohna sorkar hnena thlen tura ngen theihna kawng dal zawngin parliament in dan a siam tur a ni lo tih te a ni hlawm.

Freedom of speech lai hi a pawimawh hle a. USA ram tobul kan en chuan kan hrethiam lehzual ang. Europe rama sorkar leh lal thuneihna hmangsual nasa tak tak ten an mipui te dikna an rapbet nasa hle a. An chungah lal an hrawt a. An duhloh zawng thil sawi te chu an ti hlum fo a ni. America rama pemthla Europe mi tam ber kha chutiang inrelbawlna duhlo leh tlanbosan an ni tlangpui awm e. Ram thar an zu thlen hnuin an khawtlang leh sorkar inrelbawlna turah mipui zalenna an dah sang em em a, England Lalin mipui zahna nei lova an chunga ro a han rel hnuah phei kha chuan pastor te pawhin zalenna sualin ralthuam an chuh a nih kha. Zalenna kha an ngai hlu a. Pathianin bawih ni lo tura mihring te a siam ang ngeiin an khawsak thuah emaw an thusawi thuah emaw England Lal leh a sipaite hlauh avanga an rilru ngaihtuahna te leh ngaihdan te sawichhuak thei lo nih kha an chekin a millo a ni ber mai.

July 4, 1776 ah Independence Day an puang a, kum 15 hnuah mipui te zalenna leh dikna humhalhnan Bill of Rights chu danah an nemnghet a. Australian Prime Minister hlui John Howard-a’n America rama democracy an kalpui dan leh Australia rama democracy an kalpui dan inanlohna ber pakhata a sawi chu Bill of Rights a ni. Sorkar rawng tak laka mipui invenna tha tak a nih avangin khawih chet thianglo angin hnam rilru pu American tam tak chuan an ngai hial a ni.

He “freedom of speech” hi United Nations Declaration of Human Rights ah khan Article 19-naah heti hian kan hmu leh a:

“Everyone has the right to freedom of opinion and expression; this right includes freedom to hold opinions without interference and to seek, receive and impart information and ideas through any media and regardless of frontiers.”

UN Declaration ah phei chuan a sawizau zawk nghe nghe a. Mi zawng zawngin ngaihdan leh chu ngaihdan sawichhuah theihna tura dikna leh zalenna an nei a ni tiin a sawi a. Chubaka a sawi leh chu chutiang ngaihdan te chu khawi ramri mahin a dang thei lova; miin a duh chuan a ngaihdan a sawi thiang a, ngaihdan siam turin thu a zawt kual thiang a, a dawng thiang a. Chutianga ngaihdan leh thu inhrilh tawnna tur chu eng ang media hmang pawhin a ti thei a, chu zalenna leh dikna chu he Declaration hian a puang a ni.

India ramah pawh Constitution hian he dikna – freedom of speech and expression – hi a dah pawimawh em em a. Fundamental Rights zingah a dah hial a ni. Article 19 ah heti hian kan hmu a:

“19 (1) All citizens shall have the right (a) to freedom of speech and expression.”

He dikna hi India khua leh tui kan nih chuan India dan hnuaia humsak kan ni. Biakmawia Pawl thurin hi Kohhranin kan duh lo a nih pawhin kan khapsak thei lo tihna a nih chu. A chhan chu ngaihdan an nei thiang a. Chu chu an dikna (right) a ni.

Kohhran hruaitu zingah zu khap duh miahlo awm ta se, a ngaihdan chu sawichhuakin chanchinbuah te Kohhran ngaihdan nilo zawngin ziak ta se, lo khap ngawt theih a ni lo. Kan tawmpuilo a nih pawhin a ngaihdan leh chu a ngaihdan sawichhuahna chu danin a hum sak tlat avangin tihngaihna vak a awm lo a ni ber mai. Pu Lalthanhawla’n zu in lovin zu an buaipui zawk anga a sawi te leh Pu Lalzirliana’n zu khapna dan hlih chungchanga Kohhran rawn an tumloh thu a sawi te Kohhran tan chuan thil lawmawmloh tak a nih laiin dan ang chuan engtinmah a tih theih loh a ni. Kan pute pahnihin an ngaihdan an sawichhuah kha danin a phalsak a, a phalsak mai nilovin sawithei tura zalenna an neih chu a la humsak deuh deuh a ni.  

Mizo ten mipui rorelna (democracy) kan hmelhriatna hi a la rei lova. Kan hmelhriat tirha a phusa pawla tang thenkhat phei chu min la dampui te pawh an awm. Lalten ro an rel hunlai khan eng chen chiah nge mipui ten dikna leh zalenna an neih hriat a harsat laiin vawiina kan rilru puthmang en hian “dictatorship of the majority” an sawi ang deuhvin a tam zawkin an pawm ang nilo ngaihdan nei tan chuan hmun a awm vak loh hmel. Sap hovin social analyst an tih ang chi phei chu awm ngamna chi vak niin a lang lo. A chhan chu kan rilru ah hian a nawlpui kal dan ang lova kal te hi kawng diklo zawhah kan chhuah deuh zel a. A thupui an rawn sawilan aiin a sawitu kha awmze neilovin kan lo bei chiam thin a. Khawtlang, sorkar leh kohhran kalphung diklo sawichhuak te hi misual ang hialin kan chhuah fo a ni.

UN Declaration of Human Rights te leh India Constitution-a Fundamental Rights avang leh Pathianin mihring hi zalena min siam avang te hian kan Mizo rilru inhawng zau lo hian miin ngaihdan a neih leh a sawichhuah hi kan lo khapsak ngawt thiang lova. Danin a humhalh tlat avangin ngaihdan leh thusawi te hi kan inzahsak zawk tur a ni, kan ngaihdan a nih loh pawhin.

PU HAWLA LEH EVM

MPCC President leh Mizoram Chief Minister ni bawk Pu Lalthanhawla chuan tun hnaia neih MPCC General Assembly ah thu sawiin MNF President chu Delhi ah Supreme Court-a (EVM chungchanga) zualkova kal angin a sawi a. Pu Rama zin chhan Pu Hawla sawi hi a dik leh dik loh MNF thalai hruaitute zinga mi zawh a nihin a hriatpui miah loh thu a sawi thung. Pu Rama hian an party hruaitute hi a hrilh kher lo nge Pu Hawla hian thudiklo a sawi leh tih chu kan hre chho turah ngai ta ila. Mak angreng chu Pu Hawla zawk hian he EVM thu kal zel hi a sawichhuak teh tlat a, an party inhmuhkhawmnaah lehnghal.

A sawichhuah takah chuan EVM chungchanga thu kalzel la zialfelloh leh ngaihtuah chian ngai thenkhatte hi I han ngaihtuah nawn leh dawn ang u hmiang.

MNF ten an mi leh sa te awihnun nan he thil hi an hmang tiin Congress lam hian an sawi thin a. Hei hi thudik a ni awm e. A chhan chu MNF lam rintlak tak atangin hetiang hian sawi a ni tlat. A proof neih an nei lova. An mi leh sa te awihnun nan an hmang tih hi 100% a sawi ngam a ni.

Pu Zorama hian a thu a thlak a thlak a. EVM tih chingpen anga a sawi lai hian MNF te nena inzawmna neilo Pu K.Chhawnthuama a rawn lang ve leh a. Mimal thil tawn atangin han sawi ta lawk ila, Pu Chhawna hi pa rintlak a nih laiin EVM chungchanga a thusawi hian fiah a dawlloh avangin, saptawng sawi ta ila, EVM chungchangah hian credibility a nei lo a ni. Chuvang chuan thutaka lak chi a ni lova. A sangawizawnpui Michael-a pawh chuti tho chu a ni.

Pu Zorama te lamin an mi leh sa te awihnunnana thil ti an nih thu sawi chhuah a ni hi MNF party tan a zahthlak a, amaherawhchu a tha phian. Pu Chhawna leh Michael-a te thusawi a rintlak loh tih kan hre ta bawk a. Amaherawchu, buaithlak deuh mai a awm a. Chu chu Pu Hawla ber hi a rinawm ta tlat lo hi a ni. In lo chik ve em? EVM tichingpena puhnaah hian chiang takin a fihlim thu Zoram mipui te hriatah hian a la sawi lova, a ho te pawh hian Pu Chhawna puhna kha 100%-in a diklo tih sawi thei leh sawi ngam an la awm lo. Thil dang zawng chu an sawi lawi si.

Hemi chungchangah hian a tir khan thudik hriat tumin theih angin ka zir ve a, mi hrang hrang ka be kual bawk a. Pu Chhawna pawh a tir te atangin ka be pawp a. Michael-a pawh engtintin emaw a phone number nei fuhin ka zu be pawp a. An thusawi awmze nei chin a tawp a, umzui tlak a ni lo tih a rawn lang thuai. Pu Chhawna sawi pakhat chu Pu Zodintluanga hi a bul tum tu tih a ni a. Hemi chungchanga Pu Zodintluanga ka biak chuan thu "belhchian tlakloh" mai bakah "puhna mawl tak" a nih thu min hrilh.

Pu Chhawna min hrilh leh pakhat chu kha SMS kha Pu Hawla leh Pu Zira a thawn ve ve a. Pu Zira chu a ngawi a, Pu Hawla chu a tawng chhuak ta a nih kha. Thil chhinchhiah tur chu Pu Chhawna SMS tidarhtu kha amah Pu Chhawna nilovin Pu Hawla (atang) zawkin a ni a. Chuvang chuan intihhmingchhiat tumna ang a ni lo a ni. 

Indian Penal Code 171G dan a bawhchhia an tih kha in lo en chuan heti hian a inziak a: "False statement in connection with an election.—Whoever with intent to affect the result of an election makes or publish­es any statement purporting to be a statement of fact which is false and which he either knows or believes to be false or does not believe to be true, in relation to the personal character or conduct of any candidate shall be punished with fine."

Pu Chhawna khan kha SMS thuken kha khawiah mah a sawichhuah loh avang leh a "publish" loh avangin a tak takah chuan IPC 171G hmang hian charge theih niin a lang lo. Tin, lo publish emaw sawi chhuak pawh ni ta se (a sawi chhuah te kha chu a hnu daihah zawk a nih kha) a thil hriat nia a sawi kha diklo anga a hriat loh avangin IPC 171G hi a hman theih loh ta zel tho niin a lang. Pu Chhawna khan dika a hriat chuan chu dika a hriat chu court ah sawina remchang a nei tur a ni a. A nei ta lo ni ta berin a lang.

IT Act 66 A&B hmangin charge a ni bawk a. Pu Hawla, dan hrelo (ama insawi dan) hian hetiang dan kil kel hi a hre lova. A hote tu te emaw hnenah, "He SMS hi ka dawng a, min rawn thawntupa K.Chhawnthuama hi man theihna dan min han zawn teh u", a ti a nih hmel a. Chuan police leh dan hria te chuan IT Act 66A&B chu an han belh ta ni berin a lang. Mahse, sawi ang khan IPC 171G ah khian Pu Chhawna zawk khan engmah hlauh a neih loh avangin IT Act 66A&B zawk hi chu Pu Hawla hian Pu Chhawna hi hmehmih hrim hrim a tumna tih a chiang hle. A chhan chu Pu Chhawna hi IT Act hmang hian a charge theih tlat a. A bei mawl angreng bawk a, khatiang thu maksak tak a thawn khan he IT Act bawhchhiatna a nih avangin Pu Hawla'n a charge duh chuan a charge thei reng a ni.

Tichuan, mi tam takin an hmuh thiam loh chu. Pu Hawla hian EVM tichingpena puhna issue hi Pu Chhawna dan hmanga hmehmih a tumna ah leh mipui hmaa thu a sawinaah a lang ta reng reng lova. A pehhel ta daih a ni.

Congress party Press Release te kha kan la hria em? Feb 27 khan hei hi an chhuah a:

MPCC/Media/PR-2014/08 : “…Tunah hian chargesheet thehluh a la nih loh vang leh ni 60 a ral tawh avangin CM Pu Hawla hi hnungtawlh hret hret-a a case zuzi tum niin MNF Party chuan thuchhuah a siam a, he case ah hian CM Pu Hawla hi a hnungtawlh lova, tih zuzi a tum hek lova, Upa Chhawnthuama chungchang hi danin a la rel fel mai dawn a ni. MNF te hian ni 60 ral hi an ngaipawimawh hle a, tih zuzi tumnaah an ngai hial a, mahse Upa K. Chhawnthuama case hi case tenau, kum 2 aia reilo tan theihna, ni 60 ral hma a chargesheet thehluh ngei ngei ngaihna (summon case) ni lovin case lian leh rip tak pek theihna tur warrant case a nih dawn avangin chargesheet thehluh hun bituk a awm lo a ni.

Court-a thubuai a awm mek laia thubuai chanchin sawi leh ziah hi mi puitling te chuan an ching ngai lova, dan rorelna nghah mai hi mi puitling te chuan an ching zawk thin. Phantom hming a mi vautu Upa Chhawnthuama tan vanga thu engngemaw thehdarh te pawh hi tul lova court-a inhnuh luh theihna a nih avangin court thuchhuak hi ngaichang ve mai turin MPCC chuan mitinte a ngen a ni.”

MPCC Press Release ah hian Pu Chhawnthuama'n Pu Hawla EVM tichingpena a puhna hi an pehhel nasa em em a. MNF ho nen an sawizawm bawk a. Hei hi thudiklo chiang tak a ni. Tin, he Press Release an chhuah lai hian Pu Hawla'n he puhna a dikloh thu emaw a fihlim thu a la sawi lova. Tun thleng pawhin a la sawi lo zel chu a nih hi.

Court in ro a rel khan in lo chik em? Hei hi Vanglaini report a ni:

MNF candidate 11-te petition hi Inrinni khan ngaihtuah a ni a, Congress MLA-te ukil Lalsawirema chuan, Representation of People Act, 1951-in a phût angin MNF candidate-te petition thehluhah hian finfiahna lak tlak a awm loh thu sawiin, "He thubuai hi kalpui zel pawh ni se thil danglam tur a awm lo," a ti a; Court chu thubuai titawp mai turin a ngen."

Ukil Sawirema sawi hi a dik chiah. MNF ho hmatheh hi engmah substantiate theih a nih loh avangin tihtawp a ngen a. Court pawhin chu chu a kalpui dan a ni. Mahse, hetah tak hian Pu Chhawnthuama'n Pu Hawla EVM tichingpena a puhna hi sawifel a ni lo hrim hrim.

Pu Hawla chuan High Court thutlukna chungchangah Court-in thu dik a hai lang taa a ngaih thu leh, thudik, thu tak leh dikna chu politics-ah a pawimawh a, thu dik loa inpuhte chu a tlo ngai loh thu a sawi a. Sawi tawh ang khan Court hian EVM tihchingpen a nih leh nih loh hi a sawi lo hrim hrim a. Pu Hawla a duh danin thil a sawi a ni. Pu Romawia nena Press conference an neihnaah pawh khan mipui min thlamuan tur angin a han ti naa, amah a fihlim thu kha a sawi ta chuang reng reng lo a ni.

Dawt hlang sawi hmang, thudiklo sawi ching, mipui rilru a diklo zawnga kaihruai tura thusawi ching leh thulawilo sawi ching Pu Hawla hian he thilah hian zawhna chhan tur a la nei a, chu chu vawiin thleng hian Zoram mipuite hian kan la chang a ni. "EVM tichingpena Pu Chhawna'n a puhna che hi a dik em?" tih zawhna hi zawhna dinglai a la ni reng e. Hei hi dawt sawi lova a chhan hma chu mi nikhualo Pu Chhawna emaw thu belhchian dawllo sawi hrehlo MNF President Pu Rama te hian, "Min ngaidam r'u. Rintlak evidence kan nei love. Pu Hawla beihnan remchangah kan hmang a ni" pawh ti se, thudik kan la hre ta chuang lo a ni. Congress MLA te pawh hi han zawt ula, Pu Hawla hi 100% in a fihlim e tia sawi ngam I hmu kher lovang. Pu Zodintluanga paw'n Pu Chhawna thu a belhtlaklohzia a sawi a nih kha. Chiang takin puhna hi an la reject ngam lo.

Pu Hawla hi dawt a sawi zing em a, Pu Zorama lah a rintlak bawk si lova. Pu Chhawna ni se, a inchhuah ho ta angreng a. Mahse a ho hle e ti lo chuan sorkar hian a ka a hup sak hmiah bawk si a. Huaisen taka thudik zawng chhuaka report thei Journalist te kan mamawh hle. Sorkar lamin thudik min hrilh a beisei theih si lova.

CHIEF MINISTER TE UNAU INANG LO

2007 kum khan China atanga ka haw kawngah Hong Kong-ah ka chawl a. Hong Kong-Kolkata chu Bangladesh ta Biman Airlines thlawhtheihna chuan man a tlawm avangin ticket ka la a. Kan thlawk chhuak tur airport-ah kan awm tawh tihah thlawhtheihna a chiankuanloh avangin kan thulh a. Biman Airlines chuan passenger te chu hotel tha angreng takah min dah a. Thlawh chhuah theih hun a chian loh avangin passenger te chuan thu thar kan nghak deuh tawp a.

Pu Duhthlana hi tunah Indian Ambassador to Phillippines a ni mek

Ka chhungten Hong Kong-ah Pu Lalthanhawla farnu Pi Lalthanziki te chhungkua an awm thu min hrilh a. Ka nu te nen tun hma atanga lo inhre tawh leh inti hnai an nih avangin Nu Ziki te chu ka la hre ngai lo nain ka va be pawp a. Ka chhungte ka sawi a, min la hre bik lova ka nu leh pate erawh an lo hre em em a. Chaw ei turin min sawm nghe nghe a. An in kal dan ka hriat loh avangin a pasal Pu Lalduhthlana Ralte office bang ka lo chang a, a motor-ah chuan ka pakai a. Pu K.L.Liana unaupa Pu Duhthlana hi IFS a ni a, 2007-2010 chhung khan Hong Kong-a India sorkar aiawhtu hotu lu ber Consul General a ni. An awmna pawh Hong Kong-a veng nuam pawl a ni a. Mizo chaw tui tak ka va ei a. An felin vawikhat inhmuhnaah pawh min ti tlangnel thiam hle. Chaw ei khamah an sitting room-ah Ngurliana Sailo zai kan ngaithla a. An tlai chhuah pahin ka hotel thlennaah min thlah a.

Hotel ka thlen chuan ka thlawhna chuanpui tur te an lo awmlo vek a. Biman Airlines thlawhna chu an lo siamtha niin! Hotel manager fel tak maiin min buaipui a. A rang a rangin airport ka pan nghal a. Ka va thlen chuan an lo in check-in vek tawh hi a lo ni a. Biman Airlines manager chu ka han bia a, min khawngaih rualin biakpawh theih loh a ka chhuah daih avangin ka thiamloh a nih thu min hrilh a. Tih theih awm tawhlo angin a sawi a. Ka mangang tihngaihna hre lo chuan, “India Consul-General ka va hmu alawm” tiin ka han in sawi pawr ve vak ringawt a. A tawpa tawpa chuan min khawngaih a, ruahmanna min siamsak ta a. Hotel riahna leh a tuka thlawh haw na tur min tihfel sak a. Ka thaw huai.

Pu Hawla farnu Pi Lalthannguri pasal kha ka pa pu (uncle) fapa Pu R.Vanneia (L) a ni a. Nu Ngurtei hi Pa Vanneia ai mah pawh khan a nelawm tihna ka nei. Nupui ka neih hlimin chhungte tlawh kualpuiin kan nu chu tum khat an inah ka zu lenpui a. Anmahni hria chuan pakhat mei zu leh pakhat hriselna ngaipawimawh an nih an hria anga. Nu Ngurtei khan a pasal hun hman tawp thleng kha duat takin a enkawl a. Kan zu len tum pawh chuan Pa Vanneia chuan mei chu a lo zu tho nain Nu Ngurtei vangin a insum hle tih a hriat.

2012 kum tawp khan kan chhungin kan rawn haw ve a. Kolkata kan thlen khan, mak deuh chu, telephone in Aizawl ka be tlang thei miah lova. Ka chhungte hnenah kan thlen hun tur pawh ka hrilhnawn thei lova. A hma lama ka lo hrilh tawh chu ka ring ta ringawt a. Thlawhnaa kan lut chu a hma berah hian Nu Ngurtei leh Nu Ziki te nuta, khatih laia Parliamentary Secretary Pa Patea hi a thu a. A phone a han chelek ka hmuh chuan han hmansak ka duh angreng khawp mai a. Mahse, ka han dil ngawt dawnin min hrelo nasa dawn lutuk a. Ka chhungte nen chuan an in hre tha nain kei chuan ka hre ve vak lo. High school ka kal laia kan ina vawi khat a rawn len luh tum kha min hmuh chu a ni mai a. Ka pain min hmelhriattir dan chuan, "I Pa Patea" a ti. An fapa pakhat hi Gospel Centenary School-a ka thawh ve laiin ka class ah a awm a. Naupang hmeltha tak, bright leh duhawm tak a ni. Tunah chuan a pa aia sang tlangval fel tak a ni tawh ang.

Pu Hawla hi a Personal Secretary Pu John L.T.Sanga, MCS, nupui neih khan a hma lamah Pi Rii nen an thu a. Inneihna a zawhfel khan Chief Minister te nupa va chibai ve kha ka chak angreng khawp mai a. Sorkar chak tak leh dikna nena rorelna kalpui tur anga an sawi te ka lo hriat ve avangin chak tak leh huai taka rorel turin duhsakna va hlan ka chak hle a. In sawi phei ilang chuan mi te pawh an lo hre ve ngei anga. Mihrang ang lo paw’n min lo biak ngei ka ring. Mahse, a rem ta lo nge ka hre ta chiah lo, ka va be ta lo. Ka lo chhinchhiah mai mai chu Pu Hawla hian Chief Minister nihna hi zahawm takin a lantir tih hi a ni. Ram hruaitu te zingah chuan a hriselna a vawng tha bawk a, a rualpui te nena khaikhin phei chuan a hmel pawh a tha hle. 

Mak ka lo tih deuh erawh chu kan Chief Minister leh Health Minister te hi, Nu Ziki leh Nu Ngurtei te an hawihhawm tehreng nen, tun hnaiah phei chuan mipui hmaa an tawngkam hi a mak thei hle. Politics huang chhung a nih hian duh duh sawi thiang anga ngaihna an nei ni berin a lang. Chhungkaw zahawm tak atanga lo chhuak ni si hi chhungkaw kehchhiaa seilian ang maiin mipui hmaah thu mawilo deuh deuh an sawi fo maia. Revd.Chuauthuama phei chuan , “An term hmasaa Ethics Committee Chairman hnenah khan a tawng buluk deuh thin hi sim turin in hrilh em ti-a ka zawh chuan ‘kan hrilh ve bawk asin maw le’ a ti a”  tiin Chief Minister chungchang a ziak hial a ni.

Ethics Committee - committee awmze neilo

Rev.C.Rosiama zilhna te kha Pu Hawla hian a ngaipawimawh lo hle a ni awm a. Ethics Committee kha, PRISM in Lok Ayukta ha neilo an lo sawi ang maiin, politician te tawngkam mawilo tak tak an khap hnehlo hle. Major Thanruma’n, “Ethics Committee chuan party tan bik leh awn bik a neih loh avangin zilh ngai nia an hriatte zilhin, fak phu nia an hriatte pawh an fak mai a ni," tia a sawi khan “zilh ngai” hi an hmu thin lo zawk nge tih pawh zawhna a awm thei hial awm e.

Ethics Committee hi din a ni tawh lo nain a telte kha chuan, a bikin Chief Minister te unau tawngkam thlahdah lutuk hi chu mimalin lo kawm thin se a tha ngawt ang. A nih loh chuan sawi awm leh awm loh te, sawi chhuaha mawi leh mawi lo te, sawi miah loh tur te thlengin an sawi phawng phawng mai si a. Hetiang zela kan ram hruaitu lu ber ber ten tawngkam an thlahdaha, tuma mitmei ven tumna an neih loh a, thurawn pe thei tur unaute hnen atang pawha thurawn an lak bawk si loh chuan, demna tur anmahniin an insiam zel dawn tihna a ni a. Kei, ka unaupa hi CM ni ta se, “Budget vawi khatmah pawh la siam ve lo party” tih tawngkam te, “Mizote hi hnam bal tak kan la ni…” tih te, “inchhirna pakhatmah ka nei lo…ka la hnawihsen zel ang” tih ang tawngkam te hmang fo ta se CM pawh ni raw sek sek, sim ngei ngei turin ka zilh hrim hrim ang.

Chhungkaw tanrualna leh Ethics Committee zilhna ber pawhin awmzia a neih loh chuan kan hmaa kum 4 dang la awm turah hian Pu Vanneihtluanga hrilhlawkna kha a thleng dik anga, Mosia Dan bawhchhiatna phei chu a zing dawn hlein a lang.

Mizo mipui te hian hruaitu tawng thlahdah lutuk leh hawihhawmna tlachham lutuk ang hi kan hnawl ngam a hun tawh takzet. An unau te bula an tawng duh dan lova mipui tawng khum ching phei chu.

ZU, MLTP LEH MLPC ACT

MLTP Act kha Mizoramin dan a neih tawh zawnga dan thalo ber pawl a ni ngei ang. A thatloh mai bakah a diklo nasa em em a. A tum chu lo tha pawh ni se, zirchiang chuan mimal zalenna a rahbeh nasatzia te kha an hre thei ang. Dan mit atanga en phei chuan India rama dan kan neih chungnung zawk nena inkalh te pawh a awm a ni.

A fuhlohzia leh a fuhlohzia tih kan hriat pawha tih ngaihna kan hriatlohzia entirna pakhat chauh, kan hriatsa, han sawi ta ila. April 21, 2014 zana Chief Minister leh a nupuiin Fosters beer bur langa an thu lai leh chu beer an in lai nia lang thlalak a lo darh khan a hmutute zingah dan leh thupek kengkawhtute pawh an tel ngei a.

13th December 2013, Oath of Office

MLTP Act in a khap bur kha, khami zana chaw eia sawmtuten police hnena an sawi anga beer/zu an lo in tirlo a nih pawhin, Chief Minister khan a hmaah zalen takin a chhawptir thiang lo tih MLTP Act en chuan a chiang a. Chu aia phuartu lian zawk chu India ram danpui Schedule 3 part 5 tlawhchhana “…I will faithfully and conscientiously discharge my duties…” tia Chief Minister in hming ziak thlapa thu a tiamna kha a ni ang. A thutiam kha a lo theihnghilh a nih pawhin a khat tawka Excise ho ten beer an man reng tih a ngaihtuah chuan danin a khap thil lo phalrai a diklohzia a hrechiang hle tura ngaih a ni. Chu chu Chief Minister khan a hria a, a chhawptute pawhin an hria. Tin, a lawina Zarkawt Presbyterian Kohhran leh Mizoram Presbyterian Kohhran hotute pawhin an hrechiang hle. Mahse, kan Chief Minister kha accountability a nei a ni tih hrilhnawn tum tumah an awm lo niin a lang.

Dan kan hria a, a bawhchhetu leh dan bawhchhiatna ngaizamtu pawh kan hria. Mahse, "zawhte hi tunge thi awrhtir ang" tih ang maiin Pu Lalthanhawla a nih chuan patling pui pui, Upa te, Pastor te hial pawhin a diklohna hmachhawAustralia atanga rawn inla fing, inla dik leh fel inti em em mihring kha. Sim rawh” tiin FIR thehluttu chu a bei chiam a. A telvena tur a nih loh thu leh a lo inthiarfihlim a that zawk thu hrilh a ni a. A ti zui ta lo. Thupha chawi tumna emaw a chhungten FIR thehluttu chhungte hnena ngaihdam dil tumna pawh a awm ta chuang lo niin a lang. Thil diklo tih dik tumna chu thil diklo zawk ang maiin chhuah a ni ta hlauh a nih kha. Engvanga khatia boruak awm ta hluai nge a nih kan tih chuan a chhanna chu MLTP Act thalo tak vang a ni kan ti lo thei lovang.
n tir turin an tawngchhuak ngamlo a nih kha. Khami chungchangah khan Police lam phei chu an fakawm loh hle. MLTP Act kha lo nei lo ta ila, Pu Hawla zu in emaw a inlai thlalak emaw kha buaipui tham a tling lovang.  Zu a in duh a nih pawhin a zalenna a ni a, mahse dan a bawhchhiat chuan a zalenna a hmangsual tihna a ni. Chulai chu mi tam takin kan hrethiam lova, chhuichiang tur leh dan anga rorel a nih theih nana hma la tura police te ngen an nih khan Minister fanu pakhat phei chu facebook lamah a tuan vat a. A lo khawsak tawhna Melbourne-a a hmelhriatten group an siam Highlander-ah, “

MLPC Act ah chuang kai ta ila. Excise & Narcotics department (END) hotuten August thlaa an duan zawh, an department Minister hova an zir nawn, chumi hnua Law & Judicial department-in an lo zirchian ve leh kha Excise hotuten an sawi dan chuan, "Chhun zan zawmin [k]an buaipui a, state dangah pawh hei aia tha hi a awm bik chuang lo ang. A tha tawkah [k]an ngai" a ni.

MLPC Act kan hman turah hian zu zawrh lam chauh ni lovin 'Prohibition leh Control' a nih tel dawn avangin a kalpui dan a danglam bik dawn hle niin an sawi a. Zu zawrhna dawr-ah CCTV dah tura ruahmanna te pawh a awm a ni awm e.

Nov 20 khan Pu R.Lalzirliana’n Assembly House ah he zu khapna leh khuahkhirhna dan thar chipchiar chu hman theih tura pawmpui turin a pharh a. Hengte hi chanchinbu lam atanga kan lo hriat a ni:

1) Kum 21 chinin zu lei theihna licence an nei thei ang. Mi pakhatin thla khatah zu ûm ruk (750ml) a lei thei ang. Beer leh wine (650 ml.) erawh ûm 10 a lei thei ang.

2) Miin zu rui chungin lirthei a khalh tih finfiah a nih chuan, DTO-in Motor Vehicles Act, 1988 leh Central Motor Vehicles Rules, 1989 hmangin a hrem thei ang.

3) Zu rui mante chu hremna hrang hrang an hmachhawn theih dawn a. Lungin tan leh pawisa chawi bakah zu ruia an khawsak chuan vantlang hmun, bazar leh a chhehvel, vantlang inthiarna, damdawi-in leh a chhehvel, vantlang luikawr, tar in leh hnucham chawmna ah te an pui thin dawn bawk a ni.

4) A duh duhin zu an zawrh phal a ni dawn lo a, Pathianni leh national holiday-te chu zu zawrh phalloh ni ah puan a ni ang. Excise commissioner-in tul a tih chuan zu zawrh phalloh ni a puang thei bawk dawn a ni.

5) Nuai 100 nei hnenah zu zuarte hnena zu pechhawng tur warehouse neih theihna pek an ni anga. Zu siamna hmun nei duhin Excise Superintendent hnenah dilna thehluh theih a ni ang a, an hmun neihte endik a nih hnuah Excise Commissioner-in licence a pe thei ang a. An hmun neih dan azir bawkin a pe lo thei bawk ang.

Sorkarin MLTP Act a hlip kha thil tha tak a nih laiin a thlakna MLPC Act hi en chian chuan, END hotute’n an huphurh chhan kan hrethiam awm e. Mizoten kan mu tan nia lang chu dan kenkawhna lai tak hi a ni.

MLTP Act kha a kenkawh (implement) theih miah loh a. A chhan chu mihring khawsak dan chipchiar ber thleng khuahkhirh a tum vang a ni. MLTP Act Chapter III, Prohibitions and Penalties No.7/b ah khan heti hian a inziak a:  “No person shall…consume liquor except on a prescription of a registered medical practitioner, or on a permit granted under the provisions of this Act…” I thiante nen, tumah tibuai lovin, tuma hmuh lovah Fosters beer lo in ta la. Eng anga midang pawisawilo pawh ni ula, kan dan khan zu hrim hrim a khap bur avangin dan bawhchhia I ni ta reng reng. Kha dan vek khan Chapter III, Section 58A-ah zu kaihhnawiha dan bawhchhiatna reng reng chu chawplehchilha man nghal theih (cognizable offence) dan bawhchhiatna ah a puang vek lehnghal a.

Police te hnathawh dan tur vawngtu Criminal Code of Procedure Sec 154 lah chuan chutiang cognizable offence reng rengah chuan action la ngei ngei turin police te a phut bawk si a. Kan zu khap burna dan kha a lo turu hle a ni. Amaherawhchu, chuti chung pawh chuan ukil te, MLA te, officer te leh mi challang tak takin zu an in reng thu ualau takin khawi khawiah emaw sawi a ni fova. Open secret a ni ber mai e. Police leh Excise lam te pawhin zu an rui thin tih tlanghriat a ni a. A chianna em em chu kumin kum tir khan Parliamentary Secretary pakhatin Police leh Excise ho te chu uniform ha chunga zu ruih a dikloh pawh ni lo, a mawiloh thu a sawi a nih kha! (http://www.vanglaini.org/tualchhung/13214)

Kan sorkar hi dan kenkawhna lamah a chak loh avangin he dan thar hi hlawhtling tur chuan sorkar hnathawk nilo, thlatlin hruaitute hian dan laltir berna nen tih tak takna nen an beih a ngai ang. Chutiang a nih loh a, tih tak takna a awm loh chuan eng anga dan tha pawh nei ila, awmzia a nei chuang lovang. Sorkar hotupa berin enchhin a nih tur thu te a lo sawi bawk nen, MLTP Act ang chi-ah bawk kan lut leh ang tih a hlauhawm hle a ni. 

CHAWIMAWNA, AWARD LEH MISSION HNA

Zarkawt Local Council in Mizoram Chief Minister ni rei leh zing ber an veng chhung mi a nihnaa Pu Lalthanhawla an chawimawi khan, a nau Pu Lalthanzara pawh chawimawi tel ve law law phu in an hria a. An unauva an chawimawi kha kan hre theuh awm e. Zarkawt Local Council hotute zinga pakhatin a sawi dan chuan Pu Hawla an chawimawi chhan hi politics lama a tih that leh tih chhiat lam ai mahin Mizoram record a chuang reng tawh tur Mizoram Chief Minister hei leh chen ni thei an veng pa a nih vang a ni. 

A hnu deuhvah India rama missionary rilru pu Kristian intelkhawm pawl Evangelical Fellowship of India (EFI) chuan Pu Lalthanhawla chu chawimawina ropui tak mai Lifetime Achievement Award a hlan bawk a. EFI in he chawimawina a hlan chhan hi missionary leh Kristian langsar zualte chanchin internet-a tarlang thin pakhat Missionaries Of The World, Chennai, Tamil Nadu, chuan heti hian a ziak a: “The Evangelical Fellowship of India (EFI) has conferred a Lifetime Achievement Award on Mizoram Chief Minister Lal Thanhawla in recognition of his dedication to the service of Christian mission works on November 07, 2014”

Pu Hawla hi faklo tu tam tak an awm a. An fakloh chhan pawh chhan dik (valid) tak tak a ni hlawm. Amaherawhchu Mizoram history-a hmun pawimawh tak a chan reng tawhna tur pakhat a awm a. Chu chu amah ngaisangtu leh ngaisanglotu ten an pawm loh theih loh Zoramin remna leh muanna kan neih theihnana hmanrua a nihna hi. Kan hnam history ah a chuang ve reng tawh dawn a, thangthar thil chik zawk ten rambuai chanchin leh Peace Accord te an rawn zir hunah Pu Hawla hming hi an lam tel zel tawh dawn a ni. Chulai chu, a ropui leh ropui loh lam thuhran ni se, a chhinchhiahtlak avangin Pu Hawla telna hi kan ngaihthah thei lovang. Amaherawhchu, Congress party in “lalthutthleng” kian anga ropui taka an sawi erawh hi chu side A chauh a nih vangin thudik kim (full facts) anga sawi theih niin a lang lo. Kan ngaihdan chu engpawh ni ta se, Zoramin remna leh muanna kan neih theihnan hmanruaah a tang a ni tih hi kan pawm tur niin a lang. A sawi uar deuh chuan Pathianin hmanruaah a hmang te pawh an ti thei ang.

Zarkawt Local Council in an vengpa Pu Hawla (leh a unaupa) an chawimawi khan Chief Minister ni rei ber a nihna zawnah veng rilruin an lawmpui a, chawimawi tlakah an ngai hial a. Peace Accord kan neih theihnana a thil tih kha thupui berah nei ta zawk se an chawimawina kha a chhinchhiah tlak lehzual ang.

EFI in Pu Hawla chawimawina a hlan khan Kristian mission (Chanchin Tha hrilhdarh) hnaa a inpekna vang niin ziahlan a ni a. Kan Chief Minister hian politics lama sulhnu a neih bakah hian Chanchin Tha thehdarhna lamah kawng hrang hrangin tha a lo thawh tawh tih EFI award atang hian kan ring thei ang. Award pek chhan hi amah tak missionary hna thawka penchhuak a nih loh avangin sum leh pai leh kawng danga a lo tel vena a nih a rinawm bawk a. Mission hna kal zelna tur hian inpe te an pawimawh em em a, a penchhuak te kal zel na turin sum leh pai a pawimawh hle bawk a ni. Sum leh pai lamah Pu Hawla hi a lo tang te a nih chuan Pathianin a inpekna a hman ngei a rinawm. Hman deuh pawh khan Mission Foundation Movement, Bawngkawn, Aizawl, missionary training zo pakhat chawmtu neilo chu Pu Hawla hian a chawm a. Missionary hna thawk duh, chawmtu neilo tan chuan thil lawmawm tak a ni ang.

Mission hna kan tih hi kohhran hrang hrangin kan pawm dan a inang lo hle. A then chuan thil tha tih hrim hrimah an ngai a. Kohhranin Pathian hminga rawngbawlna kan thawh tawh phawt chu mission hnaa ngai te pawh an awm. Mihringpui te dinhmun chawikanna hnathawh pawh mission hnaa ngai tam tak an awm a. A dikna chen a awm laiin Bible kan en chuan mission hna kan tih hi a dang hle.  Matthaia 28:18-20 a Lal Isua thusawi hi Thupek Ropui (The Great Commission) tih niin evangelical Kristian te chuan mission rawngbawl hna kan thawh chhan bulpui berah kan pawm a ni.

“Tichuan, Isua chu an hnenah a lo kal a, anniho chu a bia a, “Lei leh vana thuneihna zawng zawng ka hnenah pek a ni tawh. Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula, thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang,” a ti a.

He hna hi tualchhung kohhran program ang nilovin Isua chhandamna, a la hre ngai miahlo ten an lo chan theih nana hna thawh a ni. A danglam bik em em a. Pathian Ram a lo thlen theihna tura hnathawh awm chhun a nih avangin chu hna thawka pen chhuak te chu Kohhran pawhin kan ngaipawimawh hle a ni.

Pu Lalthanhawla hian a hun tam zawk a hmanlohna lam – mission hna – hi a pawimawhzia a hria tih a thusawi atangin kan hre thei awm e.  Amaherawhchu, a rilru leh ngaihtuahna senna pui ber a ni lo tih pawh a lang chiang hle. Chief Minister PIO Pu Lalramliana Chawngte-in EFI award hlanna program-a Pu Hawla thusawi DIPR website-ah heti hian a tarlang a: “…Pathian ringtute hi tun hnaiah khawvel thlang lam ramah te nasa taka Kristianna a tlakhniam avangin missionary tam thei ang ber kan tirhchhuah pawimawh a tih thu uar takin a sawi bawk a ni.”

Khawthlang ramah Kristianna leh sakhuana hrim hrim a tlahniam nasa hle a. Australia ramah pawh hian an nu leh pa te Kristian ni si, anmahni pawh an nulat tlangval thlenga Kristian inti, mahse sakhuana leh Pathian hawisan hlauh an tam hle. An Prime Minister hlui pakhat Julia Gillard-i pawh a tleirawl laiin Baptist kohhran thalai pawlah a kul ataiin a tel thin a. Mahse, a hnuah chuan Pathian ringlovah a inchhal daih. Amaherawchu, sap ho hi kum za tam Kristianna in a lo chiah tawh an nih avangin Bible zirtirna leh values te hi an hnam nunphungah a bet tlat a. An khawtlang leh sorkar rorelnaah pawh thui tak a tel tlat a ni. 

An rilru puthmang hrim hrimah chuan a tlangpuiin mimal zalenna an dah sang a, mi khawsak danah an inrawlh tehchiam lo. An ram a hausa tlangpui a. Hna an thawk nasa bawk a, sum leh pai pawh an ngah tlangpui. Khawvel ram dang tlawh kual nuam an ti a, mahse chennan tak tak chuan an ram hi a nawm em avangin ram dang an ngai lem lo. Mipa leh mipa, hmeichhia leh hmeichhia inkawp an awm nawk a, an sorkar neih azirin chutiangte inneih theih dan te pawh an siam hial. Bible in a phalloh nupa inkar nilova mipat hmeichhiatna hman pawh mimal zalenna thila an ngaih avangin a tlangpuiin an pawisa lem lo. Tin, innei lova nupa anga khawsa dun pawh an thahnem. Kristian te erawh chuan an pawm lo hle thung. An nun a zalen a, an pi leh pu ten Bible zirtirna avanga khawtlang nuam an lo siam chu nuam an ti a. An hlut bawk a. Nunphung dang leh khawsak dan dang han tih thar tula hriatna a lian lo hle. Khawvel tehnaah chuan an thlen chin bak hi a awm lo a tih theih hial ang.

Chutiang hnam te zingah chuan keini hnam hnufual zawk te hi sakhuana thilah tlemte kan awm ve a. Sakhuana thil ni lem lovah erawh chuan a sang tel kan awm ve tawh thung. Pu Hawla tu te pahnih pawh khawvela Mizo ten kan ram ngaihsan ber USA leh a ram thenawm Canada ah an awm a. Tuna kan han sawi ang sap ho khawsak dan pawh hi an hrechiang ang, an ngaihven zawng a nih chuan.

Hnam leh hnam inlaichinnaah hian hnam hnufual zawk te hian a insawhnghet tawh zawk te hi kan chung en loh theihloh na chin a awm a.  A te zawk nihna rilru atang chuan tlukpui ni miah lo bula ngampa taka thil han tih hi thil awllo tak a ni, Zokhaw mite khawpuia mi neinung te bula an tlangnel lo thin ang hian.

Sap ho hian Mizote hi mission hna thawhpui atana an rin tawh chu an ring thei hle a. Amaherawhchu, anmahni aia hnam hnuaihnung fe zawk te hi Pathian Thu leh nun dan han hrilhlet tur chuan min beisei lem lo niin a lang. Pathianin a hnam anga min kohna a nih a rinawm loh bawk. A chhan chu an zinga rawngbawl turin an khawsak anga khawsak a tul a, kan mizia leh kohhran sum leh pai neih hian a tlin lo.

Hman kum khan Mizoram Chief Minister bawkin missionary nuai 1 tirh chhuah a sawi a. Lengzem chanchinbuah chipchiar takin missionary chutiang zat han tirhchhuah a harsat dan an rawn ziak a. A theihlohzia te pawh kan ti thei ang. Tunah kan Chief Minister in sap ho zinga missionary hna thawk turin a tam thei ang ber kan in tirhchhuah pawimawh a tih thu a sawi kan hre leh a. An thahnemngaihna chu a tha reng a, mahse kan pu te hian thil thleng miahlo tur an sawi a ni. Luka 18:27 tlawhchhana sawimam tum pawhin Pathian ruahmanna a nih loh avangin a theihna aiin a theihlohna a lian zawk ang.

SCHOOL EDUCATION DEPTT (LEH SORKAR) HOTUTE THUSAWI BIHCHIANNA

Kar hmasaa Vanglainiin School Education department hotute CSS hnuaia Hindi zirtirtute hlawh chungchang a zawh khan, hriat theuh angin, hlawh pek an nih loh chhan hrang hrang an lo hrilh a. School Education “hotute” thusawi hi sorkar thuchhuak anga ngaih a nih avangin ngaihven a hlawh hle. Zawhna zawhbelh pawh engemawzat a piang a. Hindi zirtirtute hlawh lak theihloh chhan sorkarin a sawi hi I han bihchiang dawn chhin teh ang.

1) “CSS hnuaia Hindi teacher 1,305-te chu high school leh middle school-a thawkte niin…hlawh an lak loh chin chu thla nga a ni.”

Hindi zirtirtu 1305 ten hlawh an lak theihloh chhung hi a ruaitu department hotute hian thla nga tiin an sawi a. Mahse, hlawh la thei lo zirtirtute chuan thla nga nilovin thla sarih a nih thu vawi engemawzat facebook ah te an au chhuahpui thung. District pakhata zirtirtute chu May ni 7 khan Jan-Feb hlawh an account ah dah a ni a, mahse ₹1500 in a kimlo. ₹500 hi association hruaituten automatic in an la a, sorkar atanga kimlo chu ₹1000 a ni. Facebook hmangtu hrang hrang te comment han tarlang lawk ila: 

“April thla atanga tun thlengin an la la lo.february thla khan 1000 theuh in an pe kimlo bawk” (Empy Infimate). Ani lo pawh hian thla sarih a nih thu hi an sawi nual a ni.

“nupui fanau chawmna a tan a hmang tan chuan buaithlak ve duh got ang le..” (Zama Royte). Sorkar hotuten Hindi zirtirtute rumna hi an hriat loh a hlauhawm hle.

“Inmawhchhiat vak vak tur pawh a ni lo, a posttu pawh hi eng motive-in nge a post a hriat loh, tuna kan minister leh P/S te hian an thiehtawp tak meuhmeuh an chhuah tih hriatpui a, deuhsawh vak vak loh a tha. Hindi zirtirtu lak dan a bilh atanga tho lo tam tak a awm...........A hria-in sawi se dar kar 3 sawi tur an nei ang. ......” (Fanai Laltansanga) 

Pu Laltansanga School Education hotute thusawi bihchianna a lo comment-na a ni a. A post tu motive hi a duh tak tak chuan a zawt thei a. Mahse, a zawt lem lo niin a lang. Sorkar hotuten an "theihtawp tak meuh meuh" an chhuah a tih hi uluk taka enin a dikna a tlemin a lang. Hindi zirtirtute lak dan hi tuna kan thupui ber a ni lova, buaipui ber zawk chu Congress sorkarin an vote pawh a duh em em Hindi zirtirtu 1305 te hlawh thla sarih pek tawh loh chungchang hi a ni.

A tam zawk chuan thla tam hlawh pekloh chungchangah hian sorkar insawithiamna hi an pawm lo niin a lang a. Nupui fanau chawmte phei chu an mangang takzet a ni tih an thusawi (comment) atangin a hriat theih awm e. An manganna hi thinrimnaah a chang mek niin a lang bawk a. A chhan lian tak nia lang pakhat pawh hetia an thawhhlawh an lak theihloh laia sorkarin NLUP sum sem a nih thu an hriat leh thin vang a ni. 

Mizoram Rural Bank-a thawk pakhat “Tetea Fanchun” chuan heti hian facebook ah a comment a, “Ofis a thawk ngei in midang hlawh nlup ah kan divert fo tiin min hrilh... Hlawh lo thei lo awm teuh mahse, nlup lak chuan kan duhtawk hlawm mai..kan inhmangaih tawn dan hi a bial a zim tlat..” Ani lo pawh hian hetiang hi sawi theih an nei nual a ni awm e. Dawt hmanga scheme buatsaih NLUP hi he'ng zirtirtute hlawh atanga pawhpen ang deuhva sawi hi a dik leh dik loh NLUP Nodal Minister hian a sawichian a tha mai thei. 

Hindi zirtirtu thla sarih hlawh la tawhlo te thinrimna tizualtu tur nia lang leh bawk chu an sorkar hotute tawngkam leh an khawsazia te hi a ni. Facebook hmang thin chuan an hmu thei ang. Education Minister puitu Parliamentary Secretary Joseph Lalhimpuia phei chu a social media activity ah hian Hindi zirtirtute (leh SSA zirtirtute) manganna han chhawk zangkhai tur a awm tehchiamin a lang lo. Thla sarih hlawh la tawhlo tan chuan anmahni enkawltu tur te awm awl der der lai nia lang te hi thil hmuh ninawm mai a ni thei ang. Sorkar hotu mawhphurhna reilo te vuan tura kan chhawr te hian an social media thuziak leh thlalak pholan te hi nei leh neilo te inkarah harsatna a siam thei a ni tih hriaiin an fimkhur a tha hle. 

Politician te facebook hman dan sawi takah chuan hmannia Chakma leh Mizo issue a alhchhuah lai vel khan cabinet minister Pu Zodintluanga chuan Zonet Zoram Kalsiam host tu Pu Lalnuntawma Fanai facebook wall-ah a facebook thian Lunglei MZP hruaitute zinga mi K.Lalremruata (Lal Tuaitea Khiangte) zawhna, "Chuan Indigenous chu in in hrilhfiah ta em..." tih chu heti hian a chhang a, " Lal Lal Tuaitea Khiangte indigeneous chu hrilhfiah ngai an awm lo a, Supreme Court of India in a hrilhfiah dan hi fimkhur tak in kan thlirhomzawk mai ani....." Cabinet minister hian a comment hi fiamthu ah a ngai a. Mahse, fiamthu na chi a ni lo tih leh Constitution Schedule 3 part 5 tlawhchhana a thutiam nen a inmillo tih a hre lo niin a lang.  He a thusawi (comment) hi hmun danga pholan leh sawiho a nihin Oct 15 khan heti hian a status-ah a ziak a, "...I hriat mai mai ah Lal Tuaitea Khiangte te etc te nen hian FB hi hun awl kan neih chang a, kan infiamna, a tak a, inhmu thei lo, rilru tih zangkhai nan a, hmang kan ni ti hi lomhre phawt la". 

Sorkar hotu ni tura mipuiin kan thlante hi mimal nun (private life) neilo khawpa kan chhawr buai tur a nih loh laiin Pu Hawla'n, "...tupawh hi kan accountable a ni tih hriat reng a ṭul a ni" a tih ngaihtuah phei chuan Cabinet minister ni phak phei chu an tawngkam (ziak, chhut leh sawi) an fimkhur em em tur a ni ang. President Obama te, PM Modi-a te hian kan hman ang facebook hi an hmang ve thova. Keini hovin fiamthu thawhnan leh awmze nei tak taka kan lo hmang thinlo hi world class changkanglo ni hian ka lo in hre thin a. Kan Congress MLA langsar te pawh hi world class changkanglo zinga an tel lohnan an Personal/Private Secretary fel tak tak te hian professionalism standard sang tak nen social media hi han hman tir tak tak se, kan kang awt mai ang. 

2) “An hlawh tur Central-ah bawhzui reng ni mah se, vanduai a kal tluang a, Central lama official-te'n thil tihsual an nei thin niin an sawi”

He “vanduaina” tih teh ngawt hi a ngaihna hriat a har hle. LPS producer Pu Vanneihthanga Vanchhawng-in October 25-a khan facebook Special Report group-ah heti hian a post a, a chiang deuh zawk awm e:

“School Education Dept. hotute hnen atanga thudawn danin, CSS Hindi teacher hlawh chungchangah hian sawrkar laipui dawr a nih hnuah a kal vanduai hle niin an sawi a, Sanction Order tihfel vek tawh anga ngaih chu HRD-a a khawihtu berin School Education Dept nilo, Hindi zirna hmun dang file dang nen a chawhpawlh palh a, hei hi Education Minister leh MP leh Official te nen bawhzuia chinfel a nih leh hnuah RBI ah an thunna ID hmuh a ni lo leh a, hei hi enchian a nih leh hnuah a thunna 'Head' diklo ah thun a ni tih hmuhchhuah a nih leh a, henghi theih ang anga tihfel a nih hnuin tunhnai khan thawn theih tura tihfel a ni ta niin an sawi.”

Hei hi thil awmdan a nih chuan Hindi chawilar tum Prime Minister hnenah hian State anga kan lungawilohna leh a tul anga inquiry hial din tura zu ngen chi ni te paw'n a lang.

3) “Central lamin CSS Hindi teacher-te hlawh tur a rawn pek tur hi cheng vbc. 25.78 a ni a; chu chu Central lamin Mizoram account-ah thun tawha an insawi laiin, Mizoram Finance hotute'n an la hmu si lo niin an sawi”

Ministry of HRD Under Secretary Sanjay Singh-a sawi dan chuan Ministry of Human Resource lam atanga an tih tur ang an ti fel vek tawh a. Sum lam pawh a sanction order thla khat kalta khan tih fel niin, Mizoram sorkar Education Department Secretary hnenah a copy pawh pek a nih tawh thu a sawi. Mizoram account-a thun tawh Mizoram Finance hotutute’n an la hmu lo anga sawi hi ani pawhin a lo hrethiam bik lo niin a lang.

4) “R Lalvena chuan, CSS Hindi teacher-te hlawh tur chu an ûm zui mek zel thu leh, Delhi Mizoram House-a resident commissioner pawh an ṭul anga lo buaipui tura an ngen thu a sawi a; pawisa chu hmuh thuai theih an inbeisei thu a sawi bawk.”

Vanglainiin he chanchinthar a ziahlan atangin ni tam a liam ta a. Pu Vena hian Hindi zirtirtu te hi thuthar hrilh theih a neih chuan an tan Chanchin Tha tluk a ni ang.

A tawp berah chuan Vanglaini palai lo kawmtu School Education hotute Pu H.Rohluna leh Pu Joseph Lalhimpuia te hian an hriatpui em? Hlawh pek theihloh chhan an sawi hi an hriatpuiin an pawmpui em? Thla sarih hlawh pe lova inchhawr ngawt chu a mawhphurtu an awm ngei ang. "Kan uiin ka homework a lo ei zo" tih ang chi chhuanlam hi hneawm tawh em em a, chhanna rintlak kan sorkar hotute hian an neih a pawimawh hle, mipui rin an beisei chuan.

SAPRAM ZIRNA LEH SCHOOL

Kan fanu upa zawk hi nakumah school a kal tan ve dawn a. A kalna tur pawh a nu duhthlan zawkah admission kan hmu thei hlauh a. A nau zawkin nakum atangin preschool a tan ve dawn bawk a. Chhungkuain kan inpuahchah ve nasa hle.

Kan awmna veng Mortdale hi Sydney khuaa a chhim lam Hurstville City Council hnuaia veng (suburb) 12 zinga veng pakhat a ni a. Mortdale vengah chuan sorkar school Mortdale Public School a awm a. Kan fanu hi, sorkar dan pangngai chuan, kan veng school-a kal tur a ni a. Mahse, kan veng thenawm school Oatley-West Public School ah kan dilna min ngaihtuah sak a, veng in ri-na bula kan awm vang te leh zirlai an neih tlem vang te pawh a ni mai thei, min lo pawmsak ve mial a. Nakum atanga kindergarten class kal tan turin a inpuahchah ve mek a ni. Nu leh pa tam tak ten in lo tawn vek tawh thil ni mah se, ti ve tan tur chhungkaw tan chuan chhungkaw program thar tur a ni dawn a. A phurawm ve hle.

Australia ram pumpuia an tihdan ang bawkin kan awmna state New South Wales-ah hian kalphung mumal deuh an nei a. Zirlaite hi zirnaah chauh ni lo, kawng tinrenga zirlai hlawhtling an nih theihna tur leh khawtlang tana mi tangkai an nih theihna turin enkawl dan an lo uluk khawp mai tih hi an kalphung hmuh chianin a hriat.

School kal tan tur ten thil chinchang an lo hriat lawk theihna tur orientation program vawi thum lai buatsaih a ni a. Kar hmasa thawhlehni khan a vawihnihna chu keipawh chawlh lain ka va tel ve a. Naupang enkawlna lama tan an lak nasatzia a takin ka hmuin ka hria.

Orientation program chu zing dar 10 ah kan tan a. Kan va thlen chuan zirlaite leh an nu leh pa te engemawzat an lo awm ve a. A hmasa bera an tih chu school kal tan tur theuh te leh class sang deuhva zawka zirlai pakhat inkawp tir an ni. Chu’ng zirlai te chu  “school buddy” an ti a. Kan fanu buddy pawh pawl 4 zirlai a ni. An hna ber chu school kal tantir te kawng hrang hranga lo kaihhruaia, lo tih tlangnel a ni. School kan thlen tirhin kan fanu buddy chuan a rawn zawng chhuak vat a. U zawkin nau zawk a kaihruai angin darkar khat vel school kalphung te leh classroom kalphung te kawhhmuhin an in hruaikual a. A rawn hlim haw hle.

Chumi hlan chuan school assistant principal pakhatin nu leh pa hote chu school hall lamah min ko khawm a. Nu leh pa te tana orientation min neih pui ve thung a. A bengvarthlakin a ngaihthatthlak hle.

KG classroom. Projector hi khawi hmunah pawh hian an hmang nasa

School hotuten an ngaihpawimawh em em nia ka hriat chu school kal tantir te leh an nu leh pa ten he chhungkaw rahbi thar an zawh turah hian harsatna hrang hrang pawh lo awm se, an theih ang anga tanpui an inhuam hi a ni. Mihring kan inanloh avangin mi thenkhat tan chuan phone emaw hmaichhana inbiak hreh te a awm thei tih an hria a, fate chungchanga zirtirtute be duh te tan inthlahrung lovin kawng hrang hranga biakpawh theih reng an nih thu an sawi uar hle. Email hmang pawhin zirtirtute thil hrilh duh nei te tan hrilh theih reng an nih thu te an sawi bawk a ni.

School inenkawldan leh kalphung hriatthiamna turin NSW Department of Education and Communities (www.schoolatoz.nsw.edu.au) buatsaih video leh thil dang dang projector hmangin min entir a, assistant principal chuan a sawifiah tel bawk a. Education department website ah hian nu leh pa te leh zirlai te hriat tur thil pawimawh leh tangkai tak tak an dah a. An education department an inthlahdah lo tih a hriat hle.

Oatley-West Public School hi India ram independent kum 1947-a din a ni a. Sorkar school a nih angin sorkar regulation leh standard zawng zawng zawm tura ngaih a ni. School plan 2012-2014 tarlan danin school admission an neih theih zat chu 475 a ni a. Primary school a nih vangin KG atanga pawl 6 thleng a awm. Australia ah hian middle school a awm lem lova, pawl 6 thleng hi primary school a ni a, pawl 7 atang pawl 12 thleng hi high school a ni thung. Kan fanu kalna tur school ah hian zirtirtu 19 an awm a, support staff 5 awmin Assistant Principal pawh 4 an nei.

phullem inkhelhna

Nu leh pa te hi school enkawlnaah hian thui tak an inrawlh a. School Council tih te, Parents & Citizens tih te, School Club Music Council tih ah te hian nu leh pa ten an fate enkawlna kawngah nasa takin an tel a ni. Chubakah chuan parent assistance program te an ti a, classroom-ah te, library-ah te, canteen-ah te, uniform dawr-ah te leh school program bik Art and Craft show tihah te hian nu leh pa te leh vengchhung mi te an in volunteer nasa thin hle.

New South Wales ah hian sorkar school ah Pathian Thu zirtirna an nei a. Kan kohhran, Mortdale-Oatley Baptist Church-a kan thalai pastor pawh school chaplain a ni. Chubakah, kan assisant pastor leh kohhran mi dangte pawh Scripture Class la in rawngbawlna remchang takah an hmang. Sapramah hian Pathian hawisan an tam tawh hle a. Thlarau lam thil ngaihsak tawh lo pawh an thahnem hle. Chutiang a nih laia school lama Pathian Thu an lo zir theih tura ruahmanna a awm hi Kristian te chuan an hlut a. Pathian Thu zirtirtute chuan a tlangpuiin hlawh nei lovin an thawk hlawm. Full time-a thawk, kohhran khat emaw kohhran tangrualin hlawh an pek te pawh an awm bawk.

School naupangten pawnah lukhum an khum

Australia ramah hian sorkar school-a naupang zirna hi a hranpain fee a awm lova. Amaherawhchu, uniform te, zirlai mamawh pen leh pencil ilo te, extracurricular activity leh excursion ah te hian sum senna a sang hle. Tin, Voluntary School Contribution a awm bawk a. Sports leh educational program thenkhat tha zawka school in a kalpui theihnan zirlai pakhatah kum tirah $300 bawr a ni hlawm. Naupang uniform ah hian lukhum parh a tel a. Pawna an awm chuan lukhum an khum vek a ni.

school area-ah chuan hetiang
road sign hi a awm vek

School timing hi a tlangpuiin zing dar 9 atanga tlai dar 3 thleng a ni a. School hotuten an veng chhung mamawh dan azirin darkar chanve a hma emaw tlai ten an her rem bawk. Mahse, zing dar 9 bawra tan hi tun hma atanga an lo kalpui dan a ni. 

Kan fanu school kalna turah hian kohhrana kan thian thenkhat te pawhin an fate an kaltir ve hlawm a. Orientation-a kan va kal pawh chuan kan thiante fate thenkhat pawh kan hmu nual.

A chipchiara zirchiang duh tan New South Wales sorkar education department leh Oatley-West Public School website ah te hian helamah zirna an kalpui dan kimchang chhiar theihin a awm: www.dec.nsw.gov.au , www.schools.nsw.edu.au ,www.oatleywest-p.schools.nsw.edu.au

Sorkar school lo hi kohhran school engemawzat a awm a. Sydney-a kohhran school tha pawl tak pakhat Presbyterian Ladies College (www.plc.nsw.edu.au) anniversary lawmnaah Rev.Zosangliana Colney a rawn tel tumin a zarah kan chhungkua pawh kan han kal ve a. Sorkar school hi a tha viau a. Mahse, kohhran school chu a lo tha lehzual, fee erawh a sang hle.